Banbantay ti Zambales | |
---|---|
Akinlaud a Kordiliera | |
Pakaimatangan ti Kabambantayan ti Zambales manipud iti San Narciso, Zambales | |
Kangatuan a punto | |
Pantok | Bantay Tapulao (Zambales) |
Kangato | 2,037 m (6,683 ft) |
Nagsasabtan | 15°28′51″N 120°7′16″E / 15.48083°N 120.12111°E |
Rukrukod | |
Kaatiddog | 180 km (110 mi) N-S |
Kalawa | 300 km2 (120 sq mi) |
Heograpia | |
Pagilian | Filipinas |
Dagiti probinsia | Listaan
|
Rehion | III ken I |
Nagsasabtan | 15°41′N 120°05′E / 15.683°N 120.083°ENagsasabtan: 15°41′N 120°05′E / 15.683°N 120.083°E |
Ti Banbantay ti Zambales ket kabambantayan a mabirukan iti akinlaud nga isla ti Luzon iti Filipinas. Ti banbantay ket mangisina ti tengnga a tanap ti Luzon manipud iti Baybay Abagatan Tsina. Ti kalatakan a pasetna ket naamammuan a kas ti Kabambantayan ti Cabusilan a buklen ti Bantay Pinatubo, Bantay Negron ken Bantay Cuadrado, ken naipampammattian a dagiti tidda ti tinaudana a tuktuk ti Pinatubo. Ti kangatuan a paset ti kabambantayan ket ti Bantay Tapulao, a naamammuan paya a kas ti Nangato a Tuktok, idiay probinsia ti Zambales a ti katayagna ket 2,037 metro (6,683 ft).
Ti Banbantay ti Zambales ket addaan iti kalawa iti 300 kuadrado kilometro (120 sq mi)[1] a gumay-at manipud iti Amianan aginggana iti Abagatan ,manipud iti banbanatay ti akinlaud a probinsia ti Pangasinan, ti sibubukel a kaatiddog ti Zambales, aginggana iti ungto ti Peninsula ti Bataan iti abagatan a mangpalikmut ti Luek Manila.[2] Ti kabambantayan ket buklenna pay ti banbantay dagiti munisipalidad ti Bamban, Capas, San Jose, San Clemente, Mayantoc, Santa Ignacia ken dagiti turod idiay Camiling idiay probinsia ti Tarlac. Idiay Pampanga, daytoy ket mairaman ti banbantay ti Floridablanca, Porac, Siudad ti Angeles ken Mabalacat.
Urayno ti banbanatay ket bulkaniko ti tinaudanna,[2] ti Bantay Pinatubo ket isu laeng ti aktibo a bulkan iti kabambantayan. Ti panagbettakna idi Hunio 15, 1991 ket isu idi ti kapigsaan a panagbettak ti bulkan iti maika-20 a siglo kalpasan ti panagbettak ti Novarupta idi 1912 idiay Alaska. Ti panagbettak ti bulkan, a pinakaro babaen ti isasangpet ti bagio Yunya, ket inabungotanna ti rehion iti napuskol a bulkaniko a dapo ken lahar a nairaman ti kuartel militar ti Estados Unidos iti Clark Field idiay asideg ti Siudad ti Angeles, Pampanga.
Dagiti midia a mainaig iti Banbantay ti Zambales iti Wikimedia Commons