Baguio
Siudad ti Baguio
Siudad
Liwasang Burnham
Liwasang Burnham
Wagayway ti Baguio
Wagayway
Map
Mapa a pakabirukan ti Baguio
Ti Baguio ket mabirukan idiay Filipinas
Baguio
Baguio
Nagsasabtan: 16°24′43″N 120°35′36″E Nagsasabtan: 16°24′43″N 120°35′36″E
Pagilian Filipinas
RehionRehion Administratibo ti Kordiliera (CAR)
ProbinsiaBenguet
DistritoMaymaysa a distrito
Pannakabangon1900
PannakasiudadSeptiembre 1, 1909
Barbaranggay129
Gobierno
 [1]
 • AlkaldeMauricio Domogan (Lakas Kampi-CMD)
Kalawa
 [2]
 • Dagup57.5 km2 (22.2 sq mi)
Kangato
853 m (2,799 ft)
Populasion
 (2020)[3]
 • Dagup366,358
 • Densidad6,400/km2 (17,000/sq mi)
Sona ti orasUTC+08 (PST)
Koreo
2600
Panagtawag74
MatgedanAwanan a klase
Websitewww.baguio.gov.ph
[urnosen iti Wikidata]

Ti Siudad ti Baguio ket maysa a primera a klase a siudad iti probinsia ti Benguet iti isla ti Luzon iti Filipinas. Impasdek kas siudad dagiti Amerikano idi 1900 ken pinusgan ti Asemblia ti Filipinas kas Kalgaw a Kapitolio iti Filipinas idi Hunio 1, 1903. Iti kada kalgaw, mapan ti Gobierno iti Filipinas iti Baguio ket idiay a matarawidwidan ti pagilian. Adda Mansion ti Presidente, dagiti opisina ti Korte Suprema ken Lehislatibo iti Baguio. Ti met laeng Siudad ti Baguio ti nagyanan ti opisina ti Rehion Administratibo ti Kordiliera (Kordiliera Administratibo a Rehion wenno KAR).

Sakupen ti Siudad ti Baguio ti 49 a kuadrado kilometro ti naturod a dagdaga iti maysa a banak nga aganay a 1,500 metro ti kangatona iti akin-abagatan a laud a deppaar ti kabambatayan ti Kordiliera a Tengnga iti amianan a Luzon. Pinalawlawan ti probinsia ti Benguet a sigud a nakaipasetanna kas maysa nga ili sakbay a napagbalin kas agwaywayas a siudad. Kabeddeng ti Baguio ti ili ti Tuba iti abagatan ken laud, ti Itogon, Benguet iti daya, ken ti La Trinidad a kapitolio ti Benguet iti amianan.

Tallo ti kangrunaan a dalanan a sumang-at iti Baguio, ti Kalsada Kennon a mangrugi iti Rosario, La Union, ti Kalsada Marcos manipud iti Agoo, La Union, ken ti Kalsada Naguilian manipud Bauang, La Union.

Dagiti maar-aramat a pagsasao iti Baguio ket Ilokano, Ingles, Kankana-ey, Ibaloi, Itogon, Tagalog, Pagsasao nga Intsik, Aleman, Olandés, ken Koreano.

Dagiti baranggay

Addaan ti Siudad ti Baguio iti 129 a barbaranggay.[2]

Heograpia

Ti Siudad ti Baguio ket mabirukan iti 5,200 pie ti ngato ti lessaad ti baybay, ken naiyumok iti kaunegan ti kabambantayan ti Tengnga a Kordiliera iti akin-amianan a Luzon. Ti siudad ket napalikmutan babaen ti probinsia ti Benguet. Daytoy ket sakupenna ti bassit a lugar iti 57.5 kuadrado kilometro (22.2 kd mi). Kaaduan iti naparang-ay a paset ti siudad ket naipatakder iti di nadalumpinas, turod a rabaw ti daga ti akin-amianan a paset. Idi nagaramid ti plano ni Daniel Burnham para iti siudad, inaramidna ti munisipio a kas puntos a reperensia ti pagpatinggaan a gay-at ti siudad iti 8.2 kilometro (5.1 mi) manipud iti daya aginggana iti laud ken iti 7.2 kilometro (4.5 mi) manipud iti amianan aginggana iti 2 kilometro (1.2 mi) iti abagatan. Daytoy ti kangatuan a nangruna a siudad iti Filipinas iti termino ti kangato. Ni Andy Chen ket nagsurat iti maipanggep ti Heograpia ti Baguio idi 1910.

Klima

Ti Siudad ti Baguio ket mangipakita ti klima ti subtropikal a kabambantayan babaen ti pannakaidasig ti klima ti Köppen. Ti siudad ket ammo para iti kalalaingan a klimana. Gapu ti daytoy ti Baguio ket nabirngasan a kas ti "Kalgaw a Kapitolio ti Filipinas". Gapu ti kangatona, ti temperatura ti siudad ket 8 a grado Celsius a nababbaba no maipada ti napipia a temperatura iti amin a paset ti pagilian.[4] Ti napipia a temperatura ket sumakop manipud iti 15 aginggana ti 23 grado Celsius. Kadawyan daytoy a nababbaba iti las-ud ti naladaw ken nasapa a bulbulan ti tawen. Ti kababaan idi a nairehistro a temperatura ket 6.3 grado Celsius idi Enero 18, 1961. Daytoy ket maigiddiat ti amin a panawen a kangato iti 30.4 grado Celsius a nairehistro idi Marso 15, 1988 idi las-ud ti El Niño a tiempo idi 1988.[5] Ti Baguio ket manmano laeng a malabsanna ti 26 grado Celsius uray iti las-ud ti kapudotan a paset ti tawen.

Kasla met laeng dagiti siudad nga addaan iti klima ti subtropikal a kabambantayan, ti Baguio ket madmadlaw a makakitkita ti bassit a panagtudtudo iti las-ud ti namaga tiempo. Nupay kasta, ti siudad ket addaan iti adu unay a panagtudtudo iti las-ud ti ti tiempo ti tudo, kadagiti bulan ti Hulio ken Agosto ti addaan iti napipia ti ad-adu ngem 1,000 mm (39 in) a tudo. Ti Baguio ket agpipia ti sumurok a 4,500 mm (177 in) iti tinawen a tudo.

Datos ti klima para iti Siudad ti Baguio
Bulan Ene Peb Mar Abr May Hun Hul Ago Sep Okt Nob Dis Tawen
Rekord a kinangato °C (°F) 26
(79) 		27
(81) 		28
(82) 		29
(84) 		27
(81) 		35
(95) 		27
(80) 		27
(80) 		26
(79) 		27
(81) 		27
(80) 		27
(80) 		29
(84)
Napipia a kinangato °C (°F) 22
(72) 		23
(73) 		24
(76) 		25
(77) 		24
(76) 		24
(75) 		22
(71) 		22
(71) 		22
(71) 		23
(73) 		23
(74) 		23
(74) 		23
(74)
Napipia a kinababa °C (°F) 11
(52) 		13
(56) 		14
(58) 		16
(60) 		16
(61) 		16
(61) 		16
(60) 		16
(60) 		16
(60) 		16
(60) 		15
(59) 		14
(57) 		15
(59)
Rekord a kinababa °C (°F) 6
(43) 		8
(47) 		11
(52) 		10
(50) 		14
(57) 		12
(53) 		12
(54) 		13
(55) 		14
(57) 		11
(52) 		9
(49) 		8
(46) 		6
(43)
Napipia a presipitasion mm (pulgada) 22.86
(0.90) 		22.86
(0.90) 		43.18
(1.70) 		109.2
(4.30) 		401.3
(15.80) 		436.9
(17.20) 		1,074.4
(42.30) 		1,160.8
(45.70) 		713.7
(28.10) 		381
(15.0) 		124.5
(4.90) 		50.8
(2.00) 		4,541.5
(178.80)
Taudan: Weatherbase[6]

Demograpia

Senso ti populasion ti Baguio
TawenPop.±% p.a.
1918 5,464—    
1939 24,117+7.33%
1948 29,262+2.17%
1960 50,436+4.64%
1970 84,538+5.29%
1975 97,449+2.89%
1980 119,009+4.08%
TawenPop.±% p.a.
1990 183,142+4.41%
1995 226,883+4.09%
2000 252,386+2.31%
2007 301,926+2.50%
2010 318,676+1.98%
2015 345,366+1.54%
2020 366,358+1.17%
Taudan: PSA [7] [8] [9] [10]LWUA[11]

Dagiti nagibasaran

  1. ^  City of Baguio | (DILG)
  2. ^ a b "2015 Census of Population, Report No. 3 – Population, Land Area, and Population Density" (PDF). Philippine Statistics Authority. Quezon City, Philippines. Agosto 2016. ISSN 0117-1453. Naiyarkibo (PDF) manipud iti kasisigud idi Mayo 25, 2021. Naala idi Hulio 16, 2021.
  3. ^ CAR Dagup ti Populasion babaen ti Probinsia, Siudad, Munisipalidad ken Baranggay. Naala idi Hulio 8, 2021 (iti Ingles)
  4. ^ "Panagbanniaga a Pakaammo ti Siudad ti Baguio, Filipinas". Asia Travel. Naiyarkibo manipud iti kasisigud idi 1997-11-22. Naala idi 26 Pebrero 2013.
  5. ^ Basilan, Jacquelyn; Khristine Love Vicente (17 Disiembre 2008). "Baguio wakes up to coldest morn in 2008". Breaking News / Regions. Philippine Daily Inquirer. Naiyarkibo manipud iti kasisigud idi 2008-12-19. Naala idi 12 Enero 2009.
  6. ^ "Weatherbase: Baguio, Dagiti Rekord ken dagiti Napipia ti Filipinas". Weatherbase. Naala idi 22 Nobiembre 2011.
  7. ^ Senso ti Populasion (2020). "Rehion Administratibo ti Kordiliera (CAR)". Dagup ti Populasion babaen ti Probinsia, Siudad, Munisipalidad ken Baranggay. Philippine Statistics Authority. Naala idi Hulio 8, 2021.
  8. ^ Senso ti Populasion (2015). "Rehion Administratibo ti Kordiliera (CAR)". Dagup ti Populasion babaen ti Probinsia, Siudad, Munisipalidad ken Baranggay. Philippine Statistics Authority. Naala idi Hunio 20, 2016.
  9. ^ Senso ti Populasion ken Sangkabalayan (2010). "Rehion Administratibo ti Kordiliera (CAR)". Dagup ti Populasion babaen ti Probinsia, Siudad, Munisipalidad ken Baranggay. National Statistics Office. Naala idi Hunio 29, 2016.
  10. ^ Dagiti Senso ti Populasion (1903–2007). "Rehion Administratibo ti Kordiliera (CAR)". Tabla 1. Nabilangan ti Populasion kadagiti Nadumaduma a Senso babaen ti Probinsia/Nangato nga Urbano a Siudad: 1903 aginggana idi 2007. National Statistics Office.
  11. ^ "Probinsia ti". Datos ti Populasion ti Munisipalidad. Local Water Utilities Administration. Naala idi Disiembre 17, 2016.

Dagiti akinruar a silpo

Kategoria