Ti Amazon Standard Identification Number (ASIN) ket ti 10- a karakter nga alpanumeriko a naisangayan a panagilasin babaen ti Amazon.com ken dagiti kakuyogna para iti panangilasin iti produkto iti kaunegan ti gunglo ti Amazon.com.[1]
Dagiti ASIN ket naisayangkat kadagiti nadumaduma nga edision ti lokal a rehion ti Amazon, a mairaman dagiti pagtagilakuan ti Nagkaykaysa a Pagarian, Pransia, Alemania, Italia, Kanada ken Hapon. Urayno dagiti ASIN ket naisangayan idi iti sangalubongan, ti global a panagpaadu ket nagbaliwen tapno dagiti ASIN ket nagaransiaan laeng a naisangayan iti kaunegan ti pagtagilakuan. Ti isu met laeng a produkto ket mabalin nga ibaga babaen dagiti nadumaduma nga ASIN, ken dagiti nadumaduma a nailian a sitio ket mabalinda nga agusar ti nadumaduma nga ASIN para ti isu met laeng a produkto. Iti sapasap, dagiti ASIN ket mabalin nga aggigiddiat kadagiti nadumaduma a sitio ti pagilian malaksid no dagitoy ket para iti klase ti produkto a ti ASIN ket naibatay iti maysa nga akinruar a naipalawag ken sangalubongan a natalinaay a panangilasin, sa kas ti ISBN para kadagiti libro. (A ti ASIN ket agpapada kadagiti amin a sitio, mabalin a ti gapu daytoy ket ti nagpartuat a makatlo a partido iti produkto ke nagannad a nangibaga iti adda nga ASIN idi nagpartuat ti produkto iti maikadua ken dagiti simmaruno a pagilian, wenno ti simmaruno a pannakapartuat ti produkto ket nangited ti kapada a pakaammo ken nabayagen manipud idi immuna a pannakapartuat tapno napalubosanen a napabaro dagiti pagsurotan. Dagiti pay ISBN ket mabalin nga aggigiddiat kadagiti nadumaduma a pagilian para iti isu met laeng a libro no ti sabali a naimaldit wenno edision ket naipablaak idi para iti dayta a pagilian
Ti tunggal maysa a produkto a mailako iti Amazon.com ket maikkan iti naisangayan nga ASIN. Para kadagiti libro nga addaan iti 10 a numero ti ISBN, ti ASIN ken ti ISBN ket agpada. Ti libro iti edision ti Kindle ket saan a mangusar iti bukodna nga ISBN a kas ti ASIN.