Akinlaud nga Australia | |
---|---|
Estado ti Australia | |
![]() someja da satełite in novenbre | |
Nagsasabtan: 26°0′0″S 121°0′0″E Nagsasabtan: 26°0′0″S 121°0′0″E | |
Pagilian | Australia |
Napundar | Enero 1, 1901 |
Kapitolio | Perth |
Gobierno | |
• Daulo | Roger Cook |
Kalawa | |
• Dagup | 2,527,013.00 km2 (975,685.17 sq mi) |
Kangato | 536 m (1,759 ft) |
Populasion (Marso 31, 2020)[2] | |
• Dagup | 2,656,156 |
• Densidad | 1.1/km2 (2.7/sq mi) |
Sona ti oras | UTC+08:00 |
Kodigo ti lugar | 08 |
Website | www |
Ti Akinlaud nga Australia[a] (naipangyababa a kas WA) ket ti estado a mangsakup iti intero nga akinlaud a pagkatlo ti Australia. Daytoy ket beddengan babaen ti Taaw Indiano iti amianan ken laud, ken ti Akin-abagatan a Taaw iti abagatan,[b] ti Akin-amianan a Teritorio iti amianan-daya, ken ti Abagatan nga Australia iti abagatan-daya. Ti Akinlaud nga Australia ket ti kadakeklan nga estado ti Australia, iti dagup a kalawa ti daga iti 2,529,875 kuadrado kilometro (976,790 sq mi), ken ti maikadua a kadakeklan a simang ti pagilian iti lubong, atiwen laeng babaen ti Republika ti Sakha iti Rusia. Ti estado ket addaan iti agarup a 2.6 a riwriw nga agtataeng – agarup a 11 porsiento iti nailian a dagup – nga iti kaaduan ket (92 a porsiento) agtataeng iti suli ti abagatan-laud, 79 a porsiento iti populasion nga agtataeng iti lugar ti Perth,[3] a mangibati a manmano a matagtagitao dagiti nabati nga estado.
Ti immuna idi nga Europeano a bisita ti Akinlaud nga Australia ket ni Olandes nga eksplorador Dirk Hartog, a nagbisita iti pantar ti Akinlaud nga Australia idi 1616. Ti immuna nga Europeano a pagtaengan iti Akinlaud nga Australia ket napasamak kalpasan ti panagsanglad babaen ni Major Edmund Lockyer idi 26 Disiembre 1826 iti maysa nga ekspedision para iti kolonial a gobierno ti New South Wales.[4] Nangbangon isuna iti maysa a garison ti militar a sinuportaran dagiti balud idiay King George III Sound, iti agdama nga aldaw nga Albany, ken idi 21 Enero 1827[4] pormal a nagtagikua iti akinlaud a pagkatlo iti kontinente para iti Balangat a Britaniko. Daytoy ket sinaruno babaen ti pannakaipatakder iti Kolonia ti Karayan Swan idi 1829, a mairaman ti sitio iti agdama a kapitolio, ti Perth.
Ti York ket isu idi ti immuna nga akin-uneg a daga a pagtaengan iti Akinlaud nga Australia. Mabirukan iti 97 kilometro (60 milia) iti daya ti Perth, daytoy ket natagitao idi 16 Septiembre 1831.[5]
Nakagun-od ti Akinlaud nga Australia iti responsible a gobierno idi 1890 ken napederado kadagiti sabali a kolonia ti Britaniko iti Australia idi 1901. Ita nga aldaw, ti ekonomiana ket kangrunaan nga agkamkammatalek iti panagmina, lana ken gas, dagiti serbisio ken konstruksion. Ti estado ket agpataud iti 46 a porsiento kadagiti eksport ti Australia.[6] Ti Akinlaud nga Australia ket ti maikadua a kadakekan nga agpatpataud iti oro ti landok iti lubong.[7]
Dagiti midia a mainaig iti Akinlaud nga Australia iti Wikimedia Commons
Pakaammo ti panagbiahe idiay Akinlaud nga Australia manipud iti Wikivoyage (iti Ingles)
Heograpiko a datos a mainaig iti Akinlaud nga Australia iti OpenStreetMap
Sapasap | |
---|---|
Dagiti nailian a biblioteka | |
Dadduma |