| Kamala Harris | |
|---|---|
.jpg) | |
| Land |  USA
|
| Nascentie | 20-im de octobre 1964 in Oakland, California |
| Ocupation | Politico |
Kamala Devi Harris es un féminin politico del USA. Ella nascet li 20-im de octobre 1964 in Oakland, California e es desde li 20-im de januar 2021 vice-presidente del USA sub li presidente Joe Biden. Kamala Harris es li unesim fémina in li position del vice-presidente del USA e li unesim afro-americana e asian-americana in ti oficie. Kamala Harris es li candidate del Democratic Partise por li electiones presidental del USA 2024.
Personal e professional vive
[modificar | redacter fonte]Kamala Harris es li filia de Shyamala Gopalan de India e de Donald J. Harris de Jamaica e pro to ella have un nigri carnation. Ella studiat economie e polital scientie in Washington, D.C.. In li 1989 ella finit su doctoratu in jurisprudentie. Pos to Harris fat un cariera quam jurist.
Kamala Harris es maritat con li prosecutor Douglas Emhoff desde li 2012.
Political cariera
[modificar | redacter fonte]- 2004-2011 Procurator del districte San Francisco.
- 2011-2017 Generalprocurator de California.
- 2017 Kamala Harris es electet in li senatu del USA por California.
- 2020 Kamala Harris devenit in li august 2020 li candidate del Democratic Partise in li electiones presidental por li ofice del vice-presidente apu li candidate por li oficie del presidente del USA Joe Biden. Antey ella candidat sen successe por li nomination de su partise quam candidate por li electiones presidential 2020.
- 2021 Kamala Harris devenit li 20-im de januar 2020 vice-presidente del USA sub li presidente Joe Biden.
- 2024 Kamala Harris devenit li candidate del Democratic Partise por li electiones presidental del USA 2024.