Alimento |
---|
subclasse de: disposable product[*] |
parte de: Q13538519[*] |
|
Commons: Food |
Alimento[1] es ulle materia, usualmente componite de hydratos de carbon, grassias, proteinas, e aqua, que pote esser edite o bibite per un animal o humano pro nutrimento o gusto. Alimentos pote esser de plantas (vegetales), carne, pisce, o altere fontes como fungos o alcohol. Ben que plure culturas obteneva alimentation per chassa e collection, hodie le majoritate de culturas usa cultivation per fermas o ranchos.
Le majoritate de culturas human ha su proprie cocina, un gruppo specific de costumes de cocinar vivandas unic a un specific cultura. Le studio de iste costumes alimentari es nominate gastronomia. Le majoritate de culturas ha etiam diversificate lor alimentos con preparation, methodos de cocinar, e methodos de manufacturar. Le cocinas es fortemente influentiate per excambios social e commercial.
Ben que humanos es omnivoros, religiones e regulas social como moralitate frequentemente influentia le uso del alimentos. Le sanitate de alimento es un problema etiam, con maladia alimentari colpante plure vitas cata anno, in tote le mundo.