Mark 82, ամերիկյան ավիացիոն ռումբ, որ մշակվել է 1950-ական թվականներին։
Ռումբն ունի 227 կգ անվանական զանգված, սակայն նրա փաստացի զանգվածը տատանվում է՝ կախված ձևափոխումներից։ Կմախքը պատրաստվում է մետաղից։ Այն լցված է 87 կգ Տրիտոնալ պայթուցիկ նյութով։ Мk 82-ը լազերային նշանառությամբ GBU-12, GBU-38 JDAM ռումբերի մարտական մասն է։
Նշանառության համակարգ
Ռումբի նշանառության համար թռիչքի հետագծի ավարտական հատվածում կիրառվում է նշանառության KMU-368B (Laser Guided Bomb Kit WS-212D) լազերային բլոկ, որ մշակել և արտադրել է Texas Instruments, Inc. ընկերությունը (Դալլաս, Տեխաս)[1]։
Համագործակցած կառույցներ
Ռումբի մշակման ու արտադրման գործընթացին մասնակցել են հետևյալ կապալառուները (հատացված բյուջետային միջոցները նշվել են հատկացման պահի փոխարժեքով 1969 թվականի տվյալներ).
- General Dynamics — գլխավոր կապալ
- American Machine & Foundry Co., Յորք, Փենսիլվանիա — Mk 82 Mod 1 ռումբերի կմախքների արտադրություն ($6.697.690)[2][3]
- Atlas Fabricators, Inc., Լոնգ Բիչ, Կալիֆոռնիա — Mk 82 ռումբերի համար պալլետների արտադրություն($1.603.362);[4]
- Borg Warner Corp., Չիկագո, Իլինոյս — ($17.389.100)[2][5]
- Intercontinental Manufacturing Company, Գարլենդ, Տեխաս — Mk 82 Mod 1 ռումբերի կմախքների արտադրություն ($18.320.440)[5]
- Norris Industries, Լոս Անջելես, Կալիֆոռնիա — Mk 82 Mod 1 ռումբերի կմախքների արտադրություն ($53.182.140)[4]
- StraightLine Manufacturing Co., Քորնուելս Հայտս, Փենսիլվանիա — Mk 82 Mod 1 ռումբերի պոչաթևերի արտադրություն ($8.226.988)[6]
- United States Steel Corp., ՄԱքիսպորտ, Փենսիլվանիա — Mk 82 Mod 1 և Mod 2 ռումբերի կմախքների արտադրություն ($3.741.600)[2]