![]() | |||||
---|---|---|---|---|---|
![]() | |||||
8 ga Yuni, 2014 - ← Ado Bayero
3 ga Yuni, 2009 - 20 ga Faburairu, 2014 | |||||
Rayuwa | |||||
Haihuwa | Kano, 31 ga Yuli, 1961 (62 shekaru) | ||||
ƙasa | Najeriya | ||||
Karatu | |||||
Makaranta |
Jami'ar Ahmadu Bello King's College, Lagos | ||||
Sana'a | |||||
Sana'a | Ma'aikacin banki da Malami | ||||
Mahalarcin
| |||||
Imani | |||||
Addini | Musulunci |
Sanusi Lamido SanusiSanusi Lamido Sanusi (Taimako·bayani) (An haife shi a ranar 31 ga watan Yuni, alif ɗari tara da sittin da ɗaya shekara ta (1961)[1] miladiyya Isa dan Maryam. Ɗan gidan sarautan Kano ne kuma tsohon Shugaban babban bankin Nijeriya (CBN)[2]. A yanzun sarkin Kano na 14 da Kuma na 15. An naɗa shi sarauta ne a ranar takwas ga watan Yuni na shekara ta dubu biyu da goma sha huɗu, 2014 bayan rasuwar tsohon sarkin Kano Ado Bayero.[3] Zuwa 9 ga watan march shekara ta dubu biyu da ashirin, 2020. Sarki Sanusi ma'aikacin banki ne, wanda shine tsohon Shugaban Babban Bankin Nijeriya[4]. Wanda ya riƙe muƙamin tun daga uku (3) ga watan Yuni na shekara ta dubu biyu da tara, 2009, da yayi tsawon shekara biyar akai, kamar yadda dokar mukamin ya tabbatar amma sai dai Sanusin bai cika shekarunsa ba inda tsohon shugaban ƙasa na waccan lokaci, wato Goodluck Jonathan[5] ya tsige shi a ranar ashirin ga watan February shekara ta dubu biyu da goma sha huɗu, 2014, sanadiyar Sanusi ya bankaɗo wani zargi na badaƙalar kuɗi $20 billion a hukumar matatar man fetur na ƙasa (NNPC).
Sanusi jika ne na Sarkin Kano Muhammadu Sanusi I, Sarki na 11th cikin sarakunan Fulani Na Kano.[6] Ma'aikacin banki ne kuma babban mutum ne, Malamin addinin musulunci ne da ake girmamawa.[7] Tun bayan sauƙe sarkin Kano Sanusi na II da gwamnatin jahar ta yi daga sarautar Kano, inda ya koma jihar Legas da zama, tsohon sarkin ya kai ziyarar sa ta farko a jihar Kaduna a ranar 23 Augusta 2020. Inda yazo dan girmama aikin da gwamnan jihar Malam Nasiru El-Rufai[8] ya bashi tun bayan sauke shi daga kujerarsa.[9]
Gwamnan kano Abdullahi Umar Ganduje ranar 9 ga watan maris shekara ta dubu biyu da ashirin, 2020 ya sauke shi daga kan karagar mulki.[10] [11]
Gwamnatin ta bayyana wasu dalilai dayasa suka sauke shi daga kan Mulki, dalilan sun hada da:[12]
Rashin halartar tarukan da gwamnati ke gayyatarsa ba tare da bada kwakkwaran dalili ba “Hakan rashin biyayyane,” inji sanarwar gwamnatin.
Kare mutuncin al`ada da addini gami da kimar masarautar mai dadadden tarihi wacce aka kafa ta shekaru dubbai da suka shude na daga cikin dalilan da suka sa aka dau matakin sauke sarkin. Inji sanarwar.
Sarkin ya soki shirin gwamnatin jahar na ciwo bashi daga kasar chaina domin aiwatar da gina layin dogo a cikin birnin na kano yasa wasu da dama ke ganin na daga cikin dalilan da yasa aka sauke tsohon sarkin.
Gomnan Kano Abba Kabir Yusuf ya sake tabbatar da Sanusi Lamido Sanusi a matsayin sarkin Kano. Ayau Alhamis 23 ga watan Mayu, 2024. Bayan Majlisar jihar ta kano ta sauke dokar da tsohon Gomna Abdullahi Umar Ganduje. Wanda ya maida masarautar guda biyar (5).[13]
. . . . . . .