![]() | ||||
---|---|---|---|---|
| ||||
Wuri | ||||
| ||||
Ƴantacciyar ƙasa | Najeriya | |||
Jiha | jihar Kano | |||
Birni | Kano | |||
Yawan mutane | ||||
Harshen gwamnati | Turanci | |||
Bayanan Tuntuɓa | ||||
Kasancewa a yanki na lokaci |
Kasuwar Kurmi babbar kasuwa ce a cikin birnin Kano, Jihar Kano, Najeriya . Muhammad Rumfa, Sarkin Kano ne ya kafa ta, a ƙarni na 15, kuma har yanzu a karni na 21 ana amfani da ita. Ya zuwa shekarar 2003, Sale Ayagi shi ne shugaban ƙungiyoyin ƙwadago na kasuwar.
Kasuwar Kurmi ta ba da sunan ƙungiyar kwallon kafa.
An kafa kasuwar Kurmi a cikin ƙarni na goma sha biyar (15) a matsayin cibiyar kasuwanci da adana kayayyaki don cigaban kasuwanci a cikin birni, sakamakon faɗaɗa kasuwancin yanki da Sahara. An Kuma gina ta a cikin gundumar Jakara na cikin birni. A lokacin ci gabanta, Kano ta zama cibiyar yanki na kasuwancin kayan gona tare da masana'antun aiki a saƙa da rinin Zane da yin fata da samar da tukwane. Wannan ya bayar da gudummawa ga jan hankalin garin ga 'yan kasuwa masu yawo daga Yammacin Sudan da Tripoli da Ghadames wanda ya zo sayen kaya. Kafin zamanin mulkin mallaka, an tsara tsarin kasuwar a cikin sifa hudu tare da rumfar rumbu suna yin layi kamar titi mara tsari; a cikin kasuwar, keɓaɓɓun wurare da ke ba da samfuran daban daban kuma cinikin shanu yana cikin ɓangarorin yamma da gefen kasuwar. Kasuwar mutane ne ke kula da ita waɗanda ke kula da takamaiman wuraren zama ko samar da sassan. [1]
A cikin 1904, tsohuwar kasuwa ta rushe kuma aka gina sabuwar ta don inganta hanyoyin samar da kuɗaɗen shiga ga jama'a. An buɗe sabuwar kasuwar a shekarar 1909, kuma an gina ta da rumfuna 755 da aka yi da yumbu. hakanan kuma yana da masallaci da kotu. A cikin shekarun da suka gabata an samu cigaba na kari, an faɗaɗa tituna kuma an nemi wasu masu sayar da dabbobi da su yi kaura. Kewayen kasuwar, musamman yankin Jakara su ma sun shaida fadada cigaba. Koyaya, alkiblar ciniki ta canza daga makwabtan birni na arewa da kasuwancin Saharar zuwa ciniki tare da maƙwabta na Kudu da Turawa.
A shekarar 1969, harkar kasuwar ta fada hannun Karamar Hukumar Kano. Tun daga wannan lokacin, Karamar Hukumar ta karfafa kasuwanni na musamman a cikin gari kamar kasuwar 'Yankaba na kayan lambu da Kasuwar Kantin Kwari na kayan Masaku. Wasu 'Yan kasuwar kuma sun koma sabbin cibiyoyin bunkasa biranen kamar Fagge da kasuwar Sabon Gari. A halin yanzu, kasuwar ta rasa wasu ƙa'idojinta a matsayinta na cibiyar kasuwancin yankin, kuma tana ba da yawancin bukatun masarufin gida. [1]