Mannin |
![]() Ta'n art shoh ny chooid jeh'n straih: |
|
|
She ard-oikagh y Chiare as Feed, y thie s'inshley dy whaiyl Vannin, eh Loayreyder y Chiare as Feed (Baarle: Speaker of the House of Keys). Ta'n Loayreyder reiht voish olteynyn y Thie ec y chied chruinnaght lurg reihys. T'eh freggyrtagh er son stiurey immeeaght y Thie as er son soilshaghey magh dy ynseydagh ny reillyn beayney t'ec y Thie. T'eh cur sheese dellal y Thie as t'eh cur kied da oardagh dellal y Thie ayns dagh cruinnaght.
Cha nel cairys ec y Loayreyder loayrt ayns resoonaghtyn, agh ta kiart echey votal. My vel troar vote corrym, ta'n choardail janoo conaant da leshyn y reihys goll er oi marish y resoonaght ny yn status quo y reayll ayns oardagh. Ansherbee, ta cairys ec y Loayreyder loayrt ayns resoonaghtyn ayns Tinvaal.
Va dagh Loayreyder voish 1750 dys 1898 nyn olteynyn jeh ny lughtyn-thie Moore ny Taubman ny v'ad poosit roosyn. Derrey yn vlein 1866, cha row olteynyn y Chiare as Feed reiht.
Erreish da'n chied reihys dys y Thie ayns 1867, v'eh currit er hene dy nee paart beayn eh paart y Loayreyder. Myr shen, tra ren Edward Moore Gawne irree ass y phaart ayns 1867, she eshyn va'n chied Loayreyder nagh dooar baase as eh ayns shelloo yn oik. Voish shen, ga dy vel eh jargal irree ass yn oik, ny ve neu-reiht, hooar dagh Loayreyder baase 'syn oik derrey Charles Kerruish ayns 1990, er lhimmey jeh John Robert Kerruish va reiht dys y Choonseil Slattysagh ayns 1919. Voish shen, cha dooar fer erbee jeh ny Loayreyderyn baase ayns oik.
Ta ny Loayreyderyn coamrit lesh yn eaddagh cheddin myr ta Loayreyder Whaiyl Hostyn coamrit: gooyn laatçhey airhey sheeidey Damaskagh doo marish bun-washag lane son caaghyn steat as gooyn sheeidey doo son dellal y laa. Va'n gooyn roie giootit voish Loayreyder Whaiyl Hostyn ayns 1966 son cooinaghtyn keead blein voish toshiaght reihyssyn theayagh gys y Chiare as Feed.
Er 27 Mean Fouyir 2016, va Juan Watterson reiht myr y Loayreyder, y dooinney s'aegey ren shelloo yn oik voish John Senhouse Goldie-Taubman.
Blein | Shirreyderyn | Voteyn | Reiht |
---|---|---|---|
2016 | Juan Watterson | neustaaynit | Juan Watterson |
2011 | Steve Rodan | neustaaynit | Steve Rodan |
2006 | Steve Rodan | 10 voteyn | |
David Cannan | 7 voteyn | ||
Quintin Gill | 6 voteyn | ||
2001 | Tony Brown | 15 voteyn | Tony Brown |
David Cannan | 9 teiyn | ||
2000* | David Cannan | 11 voteyn | David Cannan |
Tony Brown | 10 voteyn | ||
1996 | Noel Cringle | neustaaynit | Noel Cringle |
1991 | James Cain | 15 voteyn | James Cain |
Edgar Mann | 9 voteyn |
*Erreish da reihys Noel Cringle myr Eaghtyrane Tinvaal