Kayt | ||||||||||||||
---|---|---|---|---|---|---|---|---|---|---|---|---|---|---|
![]() Kayt thie (Felis silvestris catus)
| ||||||||||||||
Rang oaylleeagh | ||||||||||||||
| ||||||||||||||
Ennym daa-ennymagh | ||||||||||||||
Felis catus (Linnaeus, 1758) | ||||||||||||||
Co-cheayllee | ||||||||||||||
Felis catus domestica |
Ta'n kayt, ny yn kayt thieoil, (ASE: [ˈkɑt̪], yl. kiyt, Ladjyn: Felis catus) ny baagh thieoil. T'ee ny sheeintagh beg feill-eeagh. Ta'n cochiangley eddyr kiyt as deiney er ve ayn rish 9 500 blein er y chooid sloo, as she biggin smoo ennoil y teihll t'ayn.[1][2] Kyndagh rish y chochiangley shen, t'ad ry-akin er fud ny cruinney, bunnys. T'ad so-lhoobagh as cragheydagh, as ta reat gientynagh tappee oc; myr shen, t'ad gieyrtys er eggochoryssyn dooghyssagh, as ta kuse dy h-ardjyn cur dooie ruegyssagh orroo.
Ta kiyt hieoil casley rish olteynyn Felis elley. Ta trimmid eddyr 4kg-5kg oc dy cadjin. Ta aalaghtyn ennagh, myr sampleyr, Maine Coon, harrish 11kg ny keayrtyn, as ta kiyt veggey ayn myrgeddin. By 21.297kg ee y chayt strimmey.[3] By 1.36kg ee y chayt aasit sloo as enney oikoil urree..[4] T'ad mysh 23-25km er yrjid, as mysh 46km er lhiurid dy cadjin, as famman mysh 30km oc. Ta kiyt 'irrinagh ny smoo na kiyt woirrinagh.[5]
Ta 7 vertebrae mhuinneelagh ec kiyt (myr sheeintee chadjin elley), 13 vertebrae thoracksagh, 7 vertebrae lumbagh, as 3 vertebrae sacragh myr sheeintee chadjin.[F 1] Ta earroo neuchinjagh dy vertebrae fammanagh 'syn 'amman oc.[F 2][6] Ta ny thooilley vertebrae lumbagh as thoracksagh cur so-lhoobaght chirpey share da'n chayt. Ta 13 asnaghyn, ny geayltyn as y pelvis kianglt roo.[7] Ta ny lurgaghyn toshee kianglt rish y yeaylin liorish croymmag seyr, as ta shen lhiggey daue goll stiagh boayl erbee mooar dy liooar dy lhiggey da'n chione goll ny hrooid.[8]
Ta claigin kayt neuchadjin myr sheeintagh, er coontey ny lig hooilley feer vooar, as y cheeil lajer as currit da obbyr er lheh.[9] Ta ny feeacklyn currit da marroo cragh as skelpey feill. Erreish da goaill y chragh er niart, ta'n chayt cur greim mwannal marrooagh jee liorish y ghaa virrag; t'ad cur ad eddyr daa vertebra as scarrey y coyrt drommey, as ta shen cur neulheiltys jee ny marroo ee.[10] Cosoylit rish kiyt elley, ta birragyn kiyt hieoil scarrit dy keyl, er y fa dy nee caigneyderyn beggey oc y reih chragh oc, as ta vertebrae beggey oc.[10] Ta'n feeackle lieh-chooylloo as kied 'eeackle çheu chooylloo jannoo magh piyr charnassagh ta giarrey feill dys peeshyn beggey 'syn aght cheddin as shuddyryn. Ta shen slane femoil da ee, er y fa nagh nod feeacklyn çheu chooylloo beggey kiyt caigney bee dy mie.[9]
<ref>
tag; name "Case" defined multiple times with different content
![]() |
She bun ta'n art shoh. Cur rish, son foays y yannoo da Wikipedia. |