Howard Quayle | |
---|---|
![]() Quayle ayns 2015 | |
Ennym ruggyree | Robert Howard Quayle |
Ruggit |
1967 (56/57 bleeaney d'eash) Mannin |
Ashoonaght | Manninagh |
Keird | politickeyr |
Enmys |
Ard-hirveishagh Vannin Oltey yn Chiare as Feed Shirveishagh Treealys |
Partee politickagh | politickeyr neuchrogheydagh |
She politickeyr Manninagh eh Robert Howard Quayle CBE (ruggit ayns 1967). She aa-Ard-hirveishagh Vannin t'eh eddyr 4 Jerrey Fouyir 2016[1] as 12 Jerrey Fouyir 2021. Roish shen, she shirveishagh Slaynt as Kiarail y Theay v'eh,[2] derrey ny h-ard-reihyssyn ayns Mean Fouyir 2016.
Ghow Quayle toshiaght rish e heihll obbree myr sharvaant theayagh 'sy Tashtey as ayns plannal gurneilys ynnydagh roish my darree eh stiagh 'sy rheynnag argidoil, gobbraghey lesh NFU Mutual Insurance Group as Clerical Medical.
Fy yerrey, hie eh geiyrt er e ayr stiagh 'syn eirinys as cheau eh shayl myr lhiass-eaghtyrane er Sheshaght-cheirdey Ashoonagh Eirinee Vannin feie daa vlein roish my row eh pointit myr eaghtyrane eddyr 2005 as 2010.[3]
Ayns 2011, va Quayle reiht da'n Chiare as Feed son Medall lesh 41.9% jeh ny voteyn, ceau yn OCF as Shirveishagh Kiarail y Theay roie Martyn Quayle magh.[4] Ayns 2016, v'eh aa-reiht myr fer jeh'n daa OCF son Medall fo ny reaghyssyn reihyssagh aa-lhiassit. As daa vote ec dagh reihder nish, vooadee Quayle earroo ny voteyn echey, agh va ayrn ny voteyn echey leodit fo'n chorys noa, as haink eh stiagh 'sy nagh ynnyd lurg Bill Shimmins.[5] Va Quayle looit stiagh 'sy Chiare as Feed er 4 Jerrey Fouyir 2016 as, lyrg shen, v'eh reiht myr yn Ard-hirveishagh liorish Tinvaal.[6]
Ayns Boaldyn 2021, dooyrt eh nagh beagh eh shirrey aa-reihys ayns Ard-reihys Vannin, 2021.[7] Er 17 Mean Fouyir 2021, tammylt giare roish yn ard-reihys, haghyr stroak echey as v'eh currit stiagh 'sy thie lheihys feie kiare laaghyn.[8]
Va Quayle pointit myr Anneyder Oardyr yn Impiraght Ghoaldagh (CBE) ayns Onnoryn Ruggyree, 2021, er son shirveishyn da sleih Vannin.[9]
Ta Quayle poost rish Lorraine, as ta troor dy chloan oc.[11] Ta Quayle er n'obbraghey myr eirinagh chammah, as t'eh er ny hroggal seose shioltane d'ollee Aberdeen Angus fuilleeagh.[12]
((cite web))
: Check date values in: |accessdate=
(cooney)
((cite web))
: Check date values in: |accessdate=
(cooney)