Ayns sheeanaghtys, ta ennalaghey çheet er bleaystey aeragh rish fosley ny dooney lhiettalys. Ta kuse jeu goll er ennalaghey as cha nel fir elley. T'eh ry-ennaghtyn liorish cur mair roish ny meillyn ayd traa t'ou gra "paag", "spaag" as "baagh". Cur tastey da'n scansh eddyr oc: ta ennalaghey ec y chied 'ockle agh cha nel ec ny fir elley.
Cha nel corocklyn ennalit ec dagh ooilley çhengey. Ny keayrtyn, ta ennalit as neuennalit eddyr-scarrey daa vyn-heean çhengey ennagh. Ny keayrtyn elley, ta ennalaghey lhiettalys ennagh cowraghey fo-heeanyn myn-heean ennagh ta ry-chlashtyn ayns çhymyllaght er lheh. Myr sampleyr, 'sy Thaish, ta [pʰ] as [p] nyn myn-heeanyn er lheh, /pʰ/ as /p/.
'Sy Ghaelg, ta [pʰ] as [p] nyn vo-heeanyn y vyn-heean cheddin, /p/. Ta [p] ry-chlashtyn erreish da [s].
Ta Frangish, Ollannish as Latvish sampleyryn dy hengaghyn gyn corocklyn ennalit erbee.
Ta coryssyn screeuee cowraghey y tro shen ny keayrtyn. Myr sampleyr, ta Bretnish screeu "sgil" er son [skɪl] ("schlei") rere "gast" [gast] ("olk") as y daa heean gyn ennalaghey. Er y laue elley, ta Baarle screeu "skill" er son [skɪl] ("schlei"), rere "kill" [kʰɪl] ("marroo"), ga nagh vel ennalaghey ec y chied /k/.
Dys cowraghey ennalaghey 'syn Abbyrlhit Sheeanagh Eddyr-ashoonagh, t'ad screeu "h" harrish, [◌ʰ] . Cha nel ad cowraghey corocklyn gyn ennalaghey son y chooid smoo, agh ta'n scarreydagh [◌⁼] ayn er son y chooish..