Arthur Guinness | |
---|---|
![]() Cochaslys Arthur Guinness voish y vlein 1759 | |
Ruggit |
24 Mean Fouyir 1725 Cill Droichid, Coontae Cheeill Darey, Nerin |
Hooar baase |
23 Jerrey Geuree 1803 (77 bleeaney d'eash) Divlyn, Nerin |
Boayl oanluckee | Uachtar Aird |
Çhengey | Baarle |
Keird | greeseyder dellalys · miallagh |
Sheshey |
Olivia Whitmore (en) ![]() |
Paitçhyn |
slane rolley
|
Ayr | Richard Guinness |
Moir | Elizabeth Read |
Braaraghyn as shuyraghyn | |
Mie er enney son | Bunneyder Guinness |
She imleyder, greeseyder dellalys, as miallagh Yernagh va Arthur Guinness (c.24 Mean Fouyir 1725 – 23 Jerrey Geuree 1803). She ynlaghteyr y lhionney doo Guinness v'eh, as vunnee eh thie imbyl Guinness ec Geata San Séamus ayns 1759.
Va Guinnessruggit faggys da Cill Droichid, Coontae Cheeill Darey ayns 1725. Va'n ayr echey failt liorish Arthur Price, viggar ayns Agglish Nerin. Va Guinness hene failt liorish Price as, lurg e vaaish ayns 1752, hymnee Price argid voish e hymney da Guinness as e ayr. Lurg shen, ren Guinness obbraghey ec thie lhionney e lhiass voir roish my ren eh bunnaghey thie imbyl ayns Léim an Bhradáin. Ayns 1759, car geyre-ghaue argidoil chroo palçhey dy hieyn as thallooyn, darree Guinness dys Divlyn as chionnee eh thie imbyl treigit voish mooinjer Rainsford. She thie imbyl lhionney v'ayn hoshiaght, agh hoshee Guinness gimlagh lhune doo ayns 1778 as, roish 1799, haink jerrey lesh jannoo lhionney as yeeree eh er y lhune doo.
Çheumooie jeh'n thie imbyl, ghow Guinness paartyn mooarey ayns reddyn sheshoil as politickagh. She Protestoonagh firrinagh v'eh, as chur eh y chied scoill Doonee ayns Divlyn er bun ayns 1786 as ren eh arganey dy mennick er son soiaghey sampleyr beasagh as moralagh liorish sleih ooasle. Er y chooid smoo, hass eh er son cairyn ny Catolee ayns Nerin, agh hass eh jeeragh noi Irree Magh Nerin, 1798. Myr oltey jeh Cochorp Imleyderyn Ghivlyn, chur Guinness aghin dys Quaiyl Chadjinaght Nerin y coad keesh bentyn rish ymmyrkey stiagh lhionney y chaghlaa. Va jeih paitçhyn ec Guinness as e ven heshee as, lurg baase Guinness ayns 1803, ren e vac Arthur Guinness II eiraghey yn thie imbyl as dagh obbrreaght ayn.
Gurneil eaghtyrys | |
---|---|
Eddyrashoonagh | |
Ashoonagh | |
Sleih |