Tekovekuaaty niko opa mba'e oikovéva rembikuaaty. Kóva niko tembikuaaty purúva ohesa'ỹijóva opa mba'e tekove rehegua, ha mba'e omoingovéva rehegua, taha'e ha'éva yvypóra, mymbakuéra ha ka'avo. Ko tembikuaaty rupive jahecha mba'éichapa oiko umi mba'e oikovéva hekohápe.[1][2]
Ko tembikuaaty rupi oñemohenda opa mba'e oikovéva, upéicha ikatu jaikuaa mymbakuéra térã ka'avo ypykue, ojehecha avei tekove ñemoambue ha yvypóra ñemoambue rehegua, upe he'ise opa umi ñemoambue mba'e oikovéva ha oikóva Yvýpe ohasa ha omoheñói heta tekove juehegua peteĩ ypykue guive.[3]