Mbujape ha'e peteĩ umi tembi'u ojekaruvéva Európape, Kuarahyreike Ásia, Índia ha Amérikape. Ojejapóva avati mirĩ ku'ígui, térã ambue ñana rusu ku'i, juky ha y. Mbujape oguereko avei mohaguinoha okakuaaporã hag̃ua ha oho va'erã tatakuáre.[1]
Avati mirĩ ku'i ojeiporuve ojejapo hag̃ua mbujape, jepémo ikatu jajuhu umi arro, avati, avéna, seváda ha senténogui ijapopyre. Oĩ avei mbujape jopara, ha'éva oñembojehe'ávo hi'upy ambuéva rehe, ha'eháicha kyra (ñandy, kamby térã ka'avo kyrakue), yva, ryguasu rupi'a, eiratã, mboheha, ka'avo ha yva ra'ỹingue.
Oĩ mokõichagua mbujape apo:
- mbujape oñembovúva: ko mbujape oguereko mohaguinoha ha hu'ũve, tatakuáre mante oho;
- mbujape po'i: ko mbujape ndoguerekói mohaguinoha, ipererĩ ha ikatu jajapo tatakuápe térã ñambochyryry.
