O obxectivo é acadar que tódolos 3.771[1][2] artigos de parroquias de Galicia da Galipedia estean ilustrados con imaxes libres, convertendo a Wikipedia en galego en referente nese eido, superando en cantidade e calidade a outras obras de referencia (como por exemplo a GEG) tendo en conta, amais, que os nosos contidos, a diferenza doutros, son reutilizables por todos.
A 8 de novembro de 2023 hai fotos de 3315 parroquias galegas, restando por facer 456. Por provincias, as de Pontevedra e da Coruña están completas, todos os artigos das súas parroquias teñen a súa foto. Na provincia de Lugo só quedan por facer o 16% (206). Na provincia de Ourense xa se fixeron case as tres cuartas partes das parroquias, restando por facer 250. Por concellos, hai fotos de tódalas parroquias de 244 concellos dun total de 313, quedando por facer 69 concellos (menos da cuarta parte).
O 1 de decembro de 2018 baixouse de 700 parroquias sen imaxes.
No ano 2018, dende o 27 de decembro de 2017 ata o 31 de decembro de 2018, subíronse 75 novas fotos de parroquias.
A comezos de 2019 atopouse un erro nas fotos das parroquias de Vilasantar, houbo que quitar a foto da parroquia de Vilariño, Vilasantar. A causa disto a provincia da Coruña quedou de novo sen completar.
En abril de 2019 achegouse a foto que faltaba na parroquia de Vilariño en Vilasantar, co cal volveu completarse a provincia da Coruña.
En agosto de 2019 atopouse un erro nas fotos das parroquias de Gomesende, faltaba a foto de Penosiños, Gomesende.
Este usuario participa no proxecto fotos de parroquias.
Aqueles participantes que desexen aumentar a visibilidade do wikiproxecto, dende a súa páxina de usuario, poden facelo mediante a inclusión do modelo ((Usuario Wikiproxecto fotos de parroquias)) ou o ((atallo|WP FDP)), indistintamente.