Unha sella é un recipiente troncocónico xeralmente de madeira, aínda que tamén existen de metal ou cerámica, empregado antigamente para o trasego de auga. As sellas eran empregadas dende antigo para ter auga fresca nas casas.[1]
Son recipientes de base máis ampla que a parte superior e están feitas xeralmente de madeira de xeito similar aos toneis. A auga enchoupa a madeira e sela o contido. No exterior a sella de madeira ten reforzos de metal, xeralmente tres. A sella leva tamén dúas asas aos lados e sobre a sella, no lateral, póñense en letras grandes as iniciais cos nomes da casa para a identificación ao ir á fonte. A inicial do nome do home e o da muller. A sella complétase cunha capa, xeralmente de metal, e a ferrada: o cazo que se emprega na casa para tomar a auga.
Na actualidade a sella séguese a empregar pero unicamente como elemento decorativo.