Russell Means
Nacemento	10 de novembro de 1939
Lugar	Reserva india de Pine Ridge
Falecemento	22 de outubro de 2012
Lugar	Porcupine
Causa	cancro do esófago
Nacionalidade	Estados Unidos de América
Educado en	San Leandro High School
Fillos	Tatanka Means
Profesión	actor, músico, autobiógrafo, actor de cinema, político, actor de dobraxe, actor de televisión, activista pola paz, activista político e escritor
Na rede
http://www.russellmeans.com/
[ editar datos en Wikidata ]
v c e

Russell Charles Means, nado o 10 de novembro de 1939 na Reserva india de Pine Ridge e finado o 22 de outubro de 2012 en Porcupine, foi un actor, músico e activista político síux, tamén coñecido en lingua lakota como Oyate Wacinyapi.

Traxectoria

Russell Means nado en Wanblee, Dacota do Sur, nunha comunidade que se atopa no Reserva india de Pine Ridge, é fillo de Theodora Feather e Harold "Hank" Means. Foi bautizado como Oyate Wacinyapin, que na lakota quere dicir "traballa para a xente". Os seus pais eran os dous síux Oglala.

En 1968 uniuse á American Indian Movement (AIM) unha organización que loita polos dereitos dos indios americanos, e rapidamente converteuse nun dos seus líderes.

Traxectoria profesional

Means comeza a súa carreira como actor en 1992, encarnando ó xefe Chingachgook en O derradeiro dos mohicanos, un filme dirixido por Michael Mann. A partir de entón aparece en filmes como Asasinos natos, Into The West ou Pathfinder. En Pocahontas, presta a súa voz para o personaxe do pai, o Xefe Powhatan. Tamén a prestou para o videoxogo Under A Killing Moon.

Retratos de Warhol

Andy Warhol pintou dezaoito retratos de Russell Means na súa serie de Indios de América. O instituto de arte de Dayton ten un deses cadros.

Véxase tamén

Wikimedia Commons ten máis contidos multimedia na categoría:  Russell Means

Ligazóns externas

• AIM (en inglés)