  | |
| Biografía | |
|---|---|
| Nacemento | 23 de febreiro de 1954 (70 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | guitarrista , cantante |
| Período de actividade | 1972 - |
| Xénero artístico | Hard rock |
| Lingua | Lingua castelá |
| Instrumento | Fender Stratocaster |
Premios
| |
| Páxina web | rosendo.es |
         | |
Rosendo Mercado Ruiz, nado en Madrid o 23 de febreiro de 1954, é un guitarrista, cantante e compositor español de rock . Formou parte dos grupos Ñu e Leño e é considerado un dos máis importantes representantes do rock español.
Rosendo naceu no barrio madrileño de O'Donnell, fillo de emigrantes procedentes de Bolaños de Calatrava.[1] Medrou no distrito de Carabanchel, onde aínda reside. Logo de abandonar os estudos na escola de enxeñería ICAI, en 1972 incorpórase como guitarrista a Fresa, un conxunto que tocaba versións de cancións de moda, acompañando tamén a solistas. Despois de varios cambios, como a incorporación do cantante José Carlos Molina, a banda pasou a denominarse Ñu. En 1974 Rosendo descubriu a música de Rory Gallagher, que influíu nel, xunto a outros grupos como Jethro Tull, Canned Heat, Cream, Deep Purple ou Black Sabbath, nas súas creacións posteriores.
Despois de realizar o servizo militar obrigatorio en 1975, participou na gravación do primeiro disco de Ñu. As relacións con José Carlos Molina non eran boas e en 1977 Rosendo abandonou a formación para crear Leño. Con el fóronse Chiqui Mariscal, que tocaba o baixo, e Ramiro Penas como batería.
