| Robert Mitchum | |
|---|---|
.jpg) | |
| Nome completo | Robert Charles Durman Mitchum |
| Nacemento | 6 de agosto de 1917 |
| Lugar | Bridgeport |
| Falecemento | 1 de xullo de 1997 |
| Lugar | Santa Bárbara |
| Causa | cancro de pulmón e Enfisema pulmonar |
| Nacionalidade | Estados Unidos de América |
| Educado en | Haaren High School |
| Pai | James Thomas Mitchum |
| Nai | Ann Harriet Gunderson |
| Fillos | Christopher Mitchum |
| Profesión | actor, cantante, compositor, actor de cinema, director de cinema, actor de televisión, produtor de cinema, guionista e poeta |
| Na rede | |
            | |
 | |
| [ editar datos en Wikidata ] | |
Robert Charles Durman Mitchum, nado en Bridgeport (Connecticut) o 6 de agosto de 1917 e finado en Santa Barbara (California) o 1 de xullo de 1997 foi un actor estadounidense.
Cando era neno, Mitchum meteuse en moitos problemas, pasando a vivir cos seus avós e logo coa súa irmá máis vella, ata que marchou de casa, viaxando polo condado e probando distintos empregos. Aos catorce anos foi arrestado por vagabundo e encerrado no cárcere local. Fuxiu e volveu coa súa familia a Delaware. Pouco despois volveu a marchar, viaxando a California.
Chegou a Long Beach en 1936, quedando na casa da súa irmá. O resto da súa familia uniuse a eles pouco despois. Neste tempo traballou como “negro” dunha astróloga, Carroll Righter. Foi a súa irmá a que o convenceu de unirse con ela á compañía teatral da cidade. En 1940 marchou á costa leste para casar con Dorothy Spence, á que coñecera uns anos antes.
Tras traballar como operario, unha crise nerviosa levou a Mitchum a buscar traballo como actor ou extra en filmes. Grazas a un axente que coñecera conseguiu o papel de malvado unha serie de filmes en 1942 e 1943. Tras impresionar o director Mervyn LeRoy durante a rodaxe de Thirty Seconds Over Tokyo, Mitchum conseguiu un contrato de sete anos coa RKO Radio Pictures.
En 1945 foi emprestado á United Artists para o filme The Story of G.I. Joe, de William A. Wellman, que conseguiu catro candidaturas ao premio Oscar incluída a única de Mitchum como oscar ó mellor actor secundario. O éxito destes filmes fixo que pasase de series B ao cinema negro, onde realizaría algúns dos seus mellores papeis.
En 1948 foi detido xunto coa actriz Lila Leeds por posesión de marihuana, motivo polo que pasou unha semana no cárcere local e corenta e tres días nunha granxa-prisión, arrodeado polos fotógrafos da revista Life. Os filmes que estreou tras o arresto foron éxitos de público.
En 1955 foi o protagonista de A noite do cazador, único filme dirixido por Charles Laughton, considerada unha das súas mellores interpretacións.[1][2] Ese mesmo ano fundou DRM (Dorothy and Robert Mitchum) Productions, coa que produciu cinco filmes para a United Artists.[3]
Na década de 1960 e de 1970, despois de Cape Fear, interveu en filmes menores. Tamén desenvolveu unha carreira como cantante.
 |
Wikimedia Commons ten máis contidos multimedia na categoría: Robert Mitchum  |
| Control de autoridades |
|
|---|
