Paul Muni
Muni no papel de Zola
Nome completo	Frederich Meshilem Meier Weisenfreund
Nacemento	22 de setembro de 1895
Lugar	Lemberg, hoxe Lviv
Falecemento	25 de agosto de 1967
Lugar	Montecito, California
Causa	doenza cardiovascular
Soterrado	Hollywood Forever Cemetery
Nacionalidade	Estados Unidos
Cónxuxe(s)	Bella Finkel (1921-1967)
Profesión	Actor
Premios Premios Óscar Mellor actor 1936 - The Story of Louis Pasteur Outros premios New York Film Critics Circle Award - Mellor actor 1937 - The Life of Emile Zola
Na rede
[ editar datos en Wikidata ]
v c e

Frederich Meshilem Meier Weisenfreund, coñecido como Paul Muni, nado en Lviv o 22 de setembro de 1895 e finado en Montecito, California o 25 de agosto de 1967 foi un actor estadounidense.

Traxectoria

Nado na rexión austrohúngara de Galicia, hoxe en Ucraína, emigrou coa súa familia aos Estados Unidos de América en 1902, establecéndose en Chicago.

Comezou a súa carreira de actor no teatro yiddish de Chicago xunto cos seus pais. Tras ser citado en 1925 nun artigo do New York Times destacando as súas interpretacións, ao anos seguinte debutou en Broadway, na obra We Americans, na que por primeira vez actuou en inglés.

En 1929 foi contratado pola Fox, iniciando a súa carreira cinematográfica. Trala súa segunda candidatura ao Oscar, por I Am a Fugitive from a Chain Gang asinou un contrato coa Warner Bros..

En 1936 gañou o Oscar ao mellor actor por The Story of Louis Pasteur, o primeiro dos seus filmes biográficos. Porén, continuou actuando no teatro, obtendo grandes éxitos.

Aos 59 anos diagnosticáronlle un tumor no ollo esquerdo, que lle foi extraído. Pouco despois volveu á obra que estaba a protagonizar, Inherit the Wind. Retirouse do cine en 1959 por mor dos seus problemas de saúde, mais seguiu actuando na televisión ata 1962.

Filmografía

Véxase tamén

Ligazóns externas

• Paul Muni na IMDb (en inglés).
• Fotos de Paul Muni
• Fotografías e textos