O nacionalismo arxentino é un movemento político nacionalista presente na Arxentina. Xurdiu durante a guerra da independencia e as guerras civís, e fortaleceuse durante a década de 1880.
Ao longo da historia da Arxentina existiron ondas de interese renovado no nacionalismo, en resposta a eventos como a segunda guerra mundial, o Proceso de Reorganización Nacional e as protestas de decembro de 2001.
A moderna Arxentina formou outrora parte do Vicerreinado do Río da Prata, parte do Imperio Español. A captura do rei de España durante a Guerra da Independencia española comezou a Guerra da Independencia da Arxentina. Estaba baseado no principio da retroversión da soberanía dos pobos: co rei ausente, a soberanía volveu aos seus súbditos que daquela eran capaces de gobernarse.