Moto3 é a categoría de menor cilindrada do Campionato do Mundo de Motociclismo de velocidade, regulado pola FIM. Destinada a motocicletas equipadas con motores de 250cc e catro tempos, substituíu en 2012 á antiga categoría de 125cc (con motor de dous tempos).
Regulamento
Esta categoría limítase a motores dun só cilindro e un diámetro máximo de 81 mm. O peso total mínimo de motocicleta e condutor é de 148 kg. Os pilotos non poden ter máis de 28 anos, 25 se son wild-cards (pilotos invitados pola organización) ou acabados de contratar e participan por primeira vez no mundial.