Unha luva é unha peza de vestiario para cubrir a man. Polo xeral, as luvas cobren cada dedo por sepado. Hai dous tipos peculiares de luva:
Os materiais de confección varían segundo a función e poden incluír algodón, la, pel ou látex, entre outros.
O substantivo luva deriva do termo da lingua gótica lofa que significaba 'palma da man'.[1]
As referencies escritas das luvas datan da Grecia antiga, onde eran vestidas para protexer as mans na navegación e na guerra.[2] Igualmente, os pobos xermánicos aparecen retratados con luvas para protexerse do frío.
Na Idade Media comezaron a asociarse coa elegancia e o luxo, xa que o portador podía levar teas caras e amosar pel sen marcas, a diferenza dos traballadores manuais de clase baixa. As mulleres incorporaron luvas máis afíns ós seus ornamentos cara ó século XIII,[3] os deseños complicáronse, e tamén se engadiron fíos de materiais preciosos e xoias, especialmente a realeza.
A finais da Idade Moderna nacen as luvas de traballo, como os de xardinaría, que continuaron usándose en ámbitos profesionais e deportivos.