O lago Onega (en ruso Онежское озеро) é o segundo maior lago de Europa en extensión, despois do lago Ladoga. Sitúase no noroeste da Rusia europea, na provincia da Carelia. A súa superficie é de 9 616 km², cunha lonxitude de 248 km (de norte a sur) e anchura de 91,6 km. A superficie da auga está a 33 m abaixo do nivel do mar, e a súa profundidade máxima é de 127 m. Contén centenas de illas e illotes, sendo a máis coñecida Kizhi, onde se acha un conxunto de igrexas en madeira clasificado pola UNESCO como Patrimonio Mundial.
Ao lago aflúen decenas de ríos. O seu emisario, o río Svir, desauga no Lago Ladoga. Así, o lago está ligado indirectamente ao Mar Branco polo río Dvina, ao Mar Caspio e ao Mar Negro polo Volga, e ao Mar Báltico polo Svir.
A maior cidade situada nas marxes do Onega é Petrozavodsk, capital da Carelia.
![]() |
Wikimedia Commons ten máis contidos multimedia na categoría: Lago Onega |