| Hastings Banda | |
|---|---|
 | |
| Nacemento | 15 de febreiro de 1898 e 1896 |
| Lugar de nacemento | Kasungu |
| Falecemento | 25 de novembro de 1997 |
| Lugar de falecemento | Xohanesburgo |
| Nacionalidade | Malaui |
| Alma máter | Universidade de Edimburgo, Central State University, Universidade de Chicago, Meharry Medical College e Wilberforce University |
| Ocupación | político, diplomático e médico |
| Premios | Order of the Lion |
| [ editar datos en Wikidata ] | |
Hastings Kamuzu Banda, nado preto de Kasungu en marzo ou abril de 1898 e finado en Xohanesburgo o 25 de novembro de 1997, foi un médico[1] e político que chegou a ser o primeiro presidente de Malaui. Gobernou dende o 6 de xullo de 1966 ata maio de 1994. Tamén foi primeiro ministro do país entre 1964 e 1966.
Banda realizou gran parte dos seus estudos no estranxeiro e volveu ao seu país en 1958, denunciando o colonialismo.[2] Despois de conflitos de partidarios da independencia e as autoridades coloniais, Banda foi encarcerado en 1959. Ese mesmo ano fundou o Partido do Congreso de Malaui (Malawi Congress Party, MCP).[2]
Coa independencia do país o 6 de xullo de 1964, Banda converteuse no primeiro ministro durante os dous primeiros anos. En 1966 converteuse en presidente e a partir de 1971, foi presidente vitalicio. Banda suprimiu toda a oposición e encarcerou os seus líderes.[2]
Na política interior, favoreceu unha forma de tribalismo.[3] Como líder do bloque prooccidental en África recibiu apoio de Occidente durante a guerra fría.[4] En xeral, apoiou os dereitos das mulleres, mellorou as infraestruturas do país e mantivo un bo sistema educativo en relación con outros país africanos. Non obstante, presidiu un dos réximes máis brutais de África. O seu goberno totalitario torturou e asasinou opositores políticos. Os grupos de apoio aos dereitos humanos estiman que polo menos 6000 persoas foron asasinadas, torturadas e encarceradas sen xuízo.[5] Segundo estimacións puideron ser 18 000 persoas as asasinadas.[6][7] Foi desprezado por manter relacións diplomáticas totais coa Suráfrica da era do apartheid.
En 1993 enfrontouse á presión internacional e as amplas protestas. Un referendo acabou co sistema unipartidista e unha asemblea especial puxo fin á súa presidencia vitalicia, retirándolle a maioría dos seus poderes. Presentouse como candidato ás eleccións presidenciais de 1994, nas que foi derrotado. Banda faleceu nun hospital de Suráfrica en 1997. Estímase que a fortuna persoal que acumulou durante os anos que gobernou superaba os 320 millóns de dólares estadounidenses.[8]
 |
Wikimedia Commons ten máis contidos multimedia na categoría: Hastings Banda  |
| Control de autoridades |
|
|---|
