Eugene Luther Gore Vidal, máis coñecido como Gore Vidal, nado en West Point (Nova York) o 3 de outubro de 1925 e finado nos Ánxeles o 31 de xullo de 2012,[1][2] foi un escritor, ensaísta, militar, guionista e periodista estadounidense, candidato ao Premio Nobel de Literatura.
Durante gran parte dos últimos anos do século XX, Vidal dividiu o seu tempo entre Ravello (Italia, na Costa Amalfitana), e Os Ánxeles. En 2003, vendeu a súa casa de Ravello para pasar a maior parte do seu tempo nos Ánxeles. En novembro de 2003, morreu o seu compañeiro de moitos anos, Howard Austen. Foron, a súa homosexualidade, así como as súas ideas políticas progresistas, as causas principais da animadversión que xerou nas distintas administracións estadounidenses, sendo obxectivo marcado desde a época do McCarthismo.
Gore Vidal foi socio honorario da Sociedade Nacional Laica.
Fillo de Eugene Vidal e Nina Gore, considerados membros da chamada aristocracia dos Estados Unidos, e vinculados ao Partido Demócrata, naceu na famosa Academia Militar dos Estados Unidos (West Point), onde seu pai era instrutor aeronáutico. Posteriormente, Vidal adoptou como nome propio o apelido do seu avó materno, Thomas P. Gore, quen fora senador demócrata por Oklahoma.
De neno levárono a Washington, D.C., onde estudou no colexio St. Albans. Seu avó Gore estaba por entón cego, e o mozo Vidal líalle en voz alta, ademais de exercer frecuentemente como guía seu, o que lle deu acceso aos corrillos do poder (algo pouco usual para un rapaz). O non-intervencionismo do senador Gore foi desde aquela unha das bases fundamentais da filosofía política de Vidal, quen sempre foi crítico co que el percibiu como «imperialismo estadounidense».
Tras a súa graduación na Phillips Exeter Academy, Gore alistouse na reserva do Exército dos Estados Unidos en 1943.
 |
Commons ten máis contidos multimedia sobre: Gore Vidal |
| Control de autoridades |
|
|---|
.jpg)
