| Gabriel Bibron | |
|---|---|
 | |
| Nacemento | 20 de outubro de 1805 |
| Lugar de nacemento | París |
| Falecemento | 27 de marzo de 1848 |
| Lugar de falecemento | Saint-Alban-les-Eaux, Loira |
| Causa | tuberculose |
| Nacionalidade | francesa |
| Alma máter | Universidade de París |
| Ocupación | zoólogo, herpetólogo |
| Cónxuxe | Jeanne Belloc |
| Profesión | zoólogo |
| Organización | Universidade de París |
| [ editar datos en Wikidata ] | |
Gabriel Bibron, nado o 20 de outubro de 1805 en París, e finado o 27 de marzo de 1848 en Saint-Alban-les-Eaux, departamento de Loira, foi un zoólogo francés especializado en herpetoloxía.
Fillo dun empregado do Museo Nacional de Historia Natural de Francia, recibiu formación temperá en historia natural e foi empregado para reunir coleccións de vertebrados en Italia e Sicilia. Formou parte da expedición científica a Morea.
En abril de 1826 casou con Louise Rousseau.
En 1832 coñeceu a André Marie Constant Duméril, converténdose no seu amigo e asistente. Colaborou con el en particular co monumental tratado Erpétologie générale, ou, Histoire naturelle complete des reptiles. 1835–1850, 9 volumes. París: Librairie Encyclopédique de Roret.
Tratou tamén con moitos colegas estranxeiros, entre eles Thomas Bell e John Edward Gray.
Na Erpétologie générale Duméril dedicouse principalmente á descrición dos xéneros, deixando a Bibron a das especies.
En febreiro de 1842 casou por segunda vez con Jeanne Belloc, irmá do pintor Jean-Hilaire Belloc.
Afectado de tuberculose, retirouse en 1845, establecéndose en Saint-Alban, onde morreu aos 42 anos.
Bibron foi conmemorado nos epítetos científicos de dez especies de réptiles.[1]
A abreviatura Bibron emprégase para recoñecer a Gabriel Bibron como autoridade na descrición e taxonomía en zooloxía.
 |
Wikimedia Commons ten máis contidos multimedia na categoría: Gabriel Bibron  |
 |
Wikispecies posúe unha páxina sobre: Gabriel Bibron |
