Fonteo | |
---|---|
![]() Igrexa parroquial | |
Concello | Baleira[1] |
Provincia | Lugo |
Coordenadas | 43°03′N 7°15′O / 43.05, -7.25Coordenadas: 43°03′N 7°15′O / 43.05, -7.25 |
Área | 4,22 km² |
Poboación | 54 hab. (2019) |
Densidade | 12,8 hab./km² |
Entidades de poboación | 8[1] |
[ editar datos en Wikidata ] |
Santa María de Fonteo é unha parroquia do concello de Baleira. Segundo o IGE en 2013 tiña 64 habitantes.
Ten unha superficie de 4,22 km², e unha altitude media de 600 m. Limita ao norte coa Braña, ao sur con Librán, ao leste con Cubilledo e ao oeste con Montecubeiro (Castroverde). Os seus 64 habitantes están distribuídos en 4 núcleos e 4 lugares. As entidades de poboación son Castiñeiras (13), A Ferraría (15), Fonteo (32) e Río de Castro (4). Os lugares (que xeralmente forman parte dalgunhas das entidades) son O Barreiro, O Pibidal, Valdeirexe e A Veiguiña.
O seu nome deriva do nacemento do río Eo.
A igrexa parroquial de Santa María de Fonteo é de tipo rural e pequenas dimensións, con muros de cachotería e cantería de granito e lousa, e cuberta de lousa a dúas e catro augas. O presbiterio e a nave están comunicados por medio dun arco triunfal de medio punto. O frontis culmina cunha espadana dun só van. No interior consérvase un só retablo na capela maior, de estilo barroco popular.
Lugares da parroquia de Fonteo no concello de Baleira (Lugo) | |
---|---|
O Barreiro | Castiñeiras | A Ferraría | Fonteo | O Pibidal | Río de Castro | Valdeirexe | A Veiguiña |