Eva Mejuto

Biografía
Nacemento	8 de maio de 1975 Sanxenxo, España
Datos persoais
País de nacionalidade	España
Educación	Universidade de Santiago de Compostela
Actividade
Campo de traballo	Literatura xuvenil e literatura infantil e xuvenil
Lugar de traballo	Galicia
Ocupación	escritora , editora literaria , xornalista
Xénero artístico	Narrativa
Lingua	Lingua galega e lingua castelá
Obra
Obras destacables (2017) 22 segundos

Eva Mejuto Rial, nada en Sanxenxo o 8 de maio de 1975, é unha escritora galega.

Doutorouse en Xornalismo pola Universidade de Santiago de Compostela cun traballo sobre o realismo social no álbum ilustrado: Álbum testemuño: achegar a realidade ás crianzas. Traballou na editora Kalandraka ata 2004 e en OQO Editora ata 2016. En 2017 coordinou o Salón do Libro Infantil e Xuvenil de Pontevedra.^[1] En 2018 formou parte do Proxecto Capicúa de xestión cultural.^[2]

A súa especialidade é a literatura infantil e xuvenil. Ten realizado cursos de formación sobre libro-álbum e exercido a docencia no mestrado Libro Ilustrado e Animación Audiovisual da Facultade de Belas Artes de Pontevedra da Universidade de Vigo.^[3] Participa habitualmente en encontros en colexios.^[4]

É autora de diversas adaptacións de contos tradicionais a álbums ilustrados, traducidos a máis de dez idiomas. En 2017 publicou 22 segundos, narrativa para adolescentes. A sinopse da obra segundo David González é:

O que non se di é coma se non existise, afirmara o avó un día, e xa ía sendo hora de existir. Ata ese momento só vivira de portas para dentro. Agora xa non había marcha atrás. A cámara pedíalle que falase. "Son Álex, un mozo transexual. Abro este vlog para compartir con vós a miña vida. Quen me coñeza e estea a ver este vídeo entenderá moitas cousas, ou mesmo non comprenderá –ou non quererá comprender– nada. O distinto asusta, dá vertixe porque obriga a cuestionarse tantas cousas… E por iso fago este vídeo, porque non quero ter máis medo, nin vergoña de ser quen son." Antes de que lle dese tempo a pensar, conectou a cámara co ordenador. Vinte e dous segundos. Ese foi o tempo que tardou o arquivo en subir á rede. “22 segundos” relata, en primeira persoa, anacos da infancia e adolescencia dun mozo transexual que, desde os primeiros anos sabe –sen poñerlle etiquetas– que a súa identidade de xénero non coincide co sexo que lle asignaron ao nacer. Unha obra que busca visibilizar, desde a empatía, un colectivo de persoas historicamente silenciadas e denigradas que loita por que as leis –e a sociedade– deixen de consideralas enfermas.^[5]

En 2019 publicou en Xerais Memorias do silencio, unha novela que se desenvolve en Galicia durante a segunda guerra mundial.

• A casa da mosca chosca (2002). Kalandraka. ISBN 84-8464-155-4. Adaptación dun conto popular ruso. Ilustracións de Sergio Mora^[6]. Foi publicado en catalán,^[7] éuscaro,^[8] castelán,^[9] portugués,^[10] inglés^[11] e italiano^[12]
• Rato de campo e rato de cidade (2002). Kalandraka. ISBN 84-8464-139-2. Ilustracións de Kiko da Silva. Foi publicado en castelán^[13] por Kalandraka
• O zapateiro e os trasnos (2003). Kalandraka. ISBN 84-8464-212-7. Adaptación dun conto popular. Ilustracións de Elia Manero. Foi publicado en castelán por Kalandraka^[14]
• Corre, corre, cabaciña (2006). OQO Editora. Adaptación dun conto tradicional portugués. Ilustracións de André Letria. Foi publicado en castelán,^[15] catalán,^[16] portugués^[17] e italiano^[18]
• Tres desexos (2007). OQO Editora. ISBN 978-84-96788-63-3. Adaptación dun conto tradicional portugués. Ilustracións de Gabriel Pacheco. Foi publicado en castelán^[19] e en italiano^[20]
• Maruxa (2014). OQO Editora. ISBN 978-84-9871-490-6. A partir dunha canción tradicional polaca. Ilustracións de Mafalda Milhoes
• 22 segundos (2017). Xerais. 136 páxs. ISBN 978-84-9121-239-3, 136 p.^[21][22] Foi traducida ao castelán.^[23]

• Memoria do silencio (2019). Xerais, Colección Fóra de Xogo. 152 paxs. ISBN 978-84-9121-461-8^[24][25]
• Dez gatiñas viaxeiras (2019). Xerais. Colección Pequeno Merlín. 32 páxs. Ilustracións de Víctor Rivas
• A lavandeira de San Simón (2020). Xerais, Pequena memoria. Bea Gregores, Ilustradora. 40 páxs. ISBN 978-84-9121-762-6.^[26] Traducida ao castelán pola propia autora en 2021^[27]
• Neko (2021). Oqueleo. 80 páxs. ISBN 9788416834310. Ilustracións de Bea Gregores
• Cando leo (2022). Xerais. Ilustracións de Bea Gregores. 40 páxs. ISBN 978-84-1110-073-1
• A ladroa da biblioteca de Meirás (2022). Xerais. 152 páxs. ISBN 978-84-1110-105-9.
• Memoria diversa (2022). Deputación da Coruña. 260 páxs. ISBN 978-8498123951. É unha proposta para dar visibilidade ás persoas que loitaron pola dignidade do Orgullo LGTBI e ás vítimas da represión e o rexeitamento por cuestións de orientación ou identidade de xénero.^[28]
• O día que choveron gatos (2023). Vigo: Xerais. Ilustracións de Susana Suniaga. 200 páxs. ISBN 978-84-1110-302-2. ePub: ISBN 978-84-1110-312-1.
• Os contos do lobicán (2023). A Coruña: Baía, Barriga Verde / Santiago de Compostela: Consellería de Cultura, Educación, Formación Profesional e Universidades, AGADIC. 31 páxs. ISBN 978-84-9995-427-1.

Colaborou nas obras colectivas:

• Los cuentos del camino (2013). VV.AA. DVD
• Minilibros imperdibles 1 (2016). Kalandraka. ISBN 978-84-8464-261-9
• Camiños (2017). Magín Blanco. CD-Son

• Bartlett, T.C. (1999). As clases de tuba. Kalandraka. ISBN 84-95123-72-X
• Bansch, Helga (2007). Petra. OQO Editora. ISBN 978-84-9871-002-1
• Felloza, Soledad (2014). A cociñeira do Rei. OQO Editora. ISBN 978-84-9871-501-9

• 2021: Premio dos Clubs de lectura do Plan LÍA de Bibliotecas Escolares (Lectura, Información e Aprendizaxe) da Consellería de Cultura, Educación e Universidades.^[29]
• 2021: Premio Follas Novas do Libro Galego^[30] por A lavandeira de San Simón: Iniciativa bibliográfica.
• 2022: Premio Follas Novas do Libro Galego por Neko: Mellor Libro Infantil.
• 2022: XIV Premio Barriga Verde de textos para teatro de monicreques modalidade para rapaces por Os contos do Lobicán.^[31]
• 2023: Premio Follas Novas do Libro Galego na modalidade Xuvenil por A ladroa da biblioteca de Meirás.
• 2023: Premio Follas Novas do Libro Galego na modalidade Obra de divulgación por Memoria diversa.

Wikimedia Commons ten máis contidos multimedia na categoría:  Eva Mejuto

• Booktuber1 de "22 segundos" de Eva Mejuto, Consultado o 21/03/2018
• Booktuber2 de "22 segundos" de Eva Mejuto, Consultado o 21/03/2018
• El libro álbum en tiempos de conflicto, por Eva Mejuto, Consultado o 21/03/2018
• Eva Mejuto e Maruxa, Consultado o 21/03/2018
• Corre Corre Cabacinha - Eva Mejuto, Consultado o 21/03/2018
• "Impactoume o sufrimento das crianzas trans". Sermos Galiza. 27 de xuño de 2017. Arquivado dende o orixinal o 05 de novembro de 2017. Consultado o 22 de outubro de 2020.