Dorothea Erxleben | |
---|---|
![]() Retrato contemporáneo de Dorothea Erxleben | |
Datos persoais | |
Nome completo | Dorothea Christiane Leporin |
Nacemento | 13 de novembro de 1715 |
Lugar | Quedlinburg, Reino de Prusia |
Falecemento | 13 de xuño de 1762 |
Lugar | Quedlinburg |
Nacionalidade | prusiana |
Cónxuxe | Johann Christian Erxleben |
Fillos | Johann Christian Erxleben e Johann Heinrich Christian Erxleben |
Actividade | |
Campo | medicina, feminismo |
Alma máter | Universidade de Halle |
Contribucións e premios | |
Coñecida por | Primeira muller en obter o doutoramento en medicina en Alemaña |
Influído por | Laura Bassi |
[ editar datos en Wikidata ] | |
Dorothea Christiane Erxleben (nada Leporin), coñecida tamén como Dorothea Erxleben, nada en Quedlinburg (Reino de Prusia) o 13 de novembro de 1715 e finada na mesma cidade o 13 de xuño de 1762, foi unha médica alemá célebre por ter sido a primeira muller en obter un doutoramento en medicina en Alemaña, na Universidade de Halle, en 1754.[1]
A unha idade moi temperá foi instruída en ciencia básica, latín e medicina polo seu pai, Christian Polycarp Leporin, médico que exercía en Quedlinburg.[2] [3] A médica italiana Laura Bassi (profesora universitaria, inspirouna para loitar polo seu dereito a practicar a medicina.
En 1742 publicou o tratado Gründliche Untersuchung der Ursachen, die das weibliche Geschlecht vom Studiren abhalten ("Investigación exhaustiva das causas que impiden que o xénero feminino estude") argumentando que a muller debería poder acceder á universidade.[4]
Despois de ser admitida para o estudo por unha dispensa do rei Frederico II o Grande,[5] Erxleben recibiu o seu doutoramento en medicina na Universidade de Halle en 1754.[4]
Analizou e divulgou os obstáculos que impiden á muller estudar, ser ama de casa e coidar da familia.[6]
Foi a nai do naturalista Johann Christian Erxleben (1744-1777).[1]
![]() |
Wikimedia Commons ten máis contidos multimedia na categoría: Dorothea Christiane Erxleben ![]() |