Donald Crisp | |
---|---|
![]() | |
Nome completo | George William Crisp |
Alcume/outros | Donald Crisp e James Needham |
Nacemento | 27 de xullo de 1882 |
Lugar | Bow |
Falecemento | 25 de maio de 1974 |
Lugar | Van Nuys |
Causa | Ictus |
Soterrado | Forest Lawn Memorial Park (Glendale) |
Nacionalidade | Reino Unido |
Educado en | Eton College e Universidade de Oxford |
Cónxuxe(s) | Jane Murfin |
Profesión | actor, director de cinema, escritor, actor de cinema, intérprete, guionista e produtor de cinema |
Na rede | |
![]() ![]() ![]() ![]() ![]() ![]() ![]() ![]() ![]() ![]() | |
[ editar datos en Wikidata ] | |
George William Crisp, nado en Londres o 27 de xullo de 1882 e finado en Van Nuys (California) o 25 de maio de 1974 foi un actor británico, coñecido como Donald Crisp.
Educouse na Universidade de Oxford e participou na guerra anglo-bóer. Mentres viaxaba a América nun barco en 1906, a súa voz durante un concerto chamou a atención do empresario de ópera John C. Fisher, que lle ofreceu un traballo na súa compañía. Pasou o primeiro ano na Grand Opera en Nova York e os anos seguintes como director de escena. Nunha xira polos Estados Unidos e Cuba comezou a interesarse en seguir unha carreira teatral.
En 1910 coñeceu e fíxose amigo do director D.W. Griffith. Cando Griffith marchou a Hollywood en 1912, Crisp foi con el. Entre 1908 e 1930 apareceu nun cento de filmes como actor e dirixiu unha ducia. A maioría foron papeis pequenos, agás en The Birth of a Nation onde interpretou o xeneral Ulysses S. Grant.
Durante a primeira guerra mundial serviu no exército británico, mentres na Segunda serviu na U.S. Army Reserve, acadando o rango de coronel.
Un dos seus papeis máis destacados no cinema sonoro foi o do taciturno pai de Que verde era o meu val (1941), dirixida por John Ford, co que gañou o Oscar ao mellor actor secundario. Seguiu traballando ata que tivo máis de oitenta anos.
![]() |
Wikimedia Commons ten máis contidos multimedia na categoría: Donald Crisp ![]() |