Crocodilo Dundee | |
---|---|
Ficha técnica | |
Título orixinal | Crocodile Dundee |
Director | Peter Faiman |
Produtor | John Cornell |
Guión | John Cornell Ken Shadie |
Intérpretes | Paul Hogan Linda Kozlowski |
Música | Peter Best |
Fotografía | Russell Boyd |
Montaxe | David Stiven |
Distribuidora | Paramount Pictures (USA) 20th Century Fox (Internacional) |
Estrea | ![]() |
Duración | 104 minutos (Australia)[1] 97 minutos (internacional)[2] |
Orixe | ![]() |
Xénero | Comedia, aventuras |
Orzamento | $8 800 000[3] |
Recadación | $328 203 506 |
Filme seguinte | Crocodile Dundee II |
Na rede | |
https://esaleknives.com/product/crocodile-dundee-knife-crocodile-dundee-bowie-knife-bw-25/ | |
![]() ![]() ![]() ![]() ![]() ![]() ![]() ![]() ![]() ![]() ![]() |
Crocodilo Dundee (en inglés: Crocodile Dundee) é un filme australiano dirixido por Peter Faiman que se estreou en 1986. Está protagonizado por Paul Hogan, que interpreta a Mick Dundee, cuxo personaxe está inspirado en Rodney Ansell. A futura muller de Hogan, Linda Kozlowski, interpreta a Sue Charlton.[4]
O personaxe de Mick “Crocodile” Dundee, intepretado por Paul Hogan na triloxía de Crocodilo Dundee é comunmente asociado aos feitos reais da bibliografía do tamén cazador Rod Ansell, que sobreviviu ao Outback, onde se perdeu por dous meses en 1977. Cando Ansell morre en 1999, este foi eloxiado pola prensa como “o Crocodilo Dundee real”. O propio Paul Hogan negou repetidas veces esta referencia a Ansell. Pero en paralelo na cultura popular letoa e entre os documentalistas australianos da cidade de Queensland defenden que foi a figura do emigrante letón Arvīds Blūmentāls, "Crocodilo Harry" quen primeiro fixo famoso este perfil do aventureiro cazador de crocodilos, e quen inspirou realmente ao filme.[5]
O filme tivo un orzamento de $10 millóns coa intención de facer un filme australiano comercial que puidese ser ben acollido pola audiencia americana, pero o seu éxito foi internacional. Estreouse o 30 de abril de 1986 en Australia, e o 26 de setembro de 1986 en USA, e foi o segundo filme con maior recadación nos Estados Unidos ese ano.
Hai dúas versións do filme: a australiana e a americana/internacional. A versión americana ten un inglés máis comprensible, con vocabulario e expresións máis comúns, e é significatiamente máis curta. O filme tivo dúas secuelas: Crocodile Dundee II (1988) e Crocodilo Dundee nos Ánxeles (2001).
Foi estreado en galego pola Televisión de Galicia o 6 de novembro de 1995.[6]
Michael Dundee é un cazador de crocodilos no salvaxe outback australiano que, pola súa orixinal filosofía da vida, é considerado como un heroe entre os seus. A súa fama chega a oídos de Sue Charlton, unha xornalista de Nova York que decide ir a Australia para visitalo e, unha vez alí, convénceo para que a acompañe na súa viaxe de volta a América.