O Congreso Universal de Esperanto (en esperanto: Universala Kongreso de Esperanto) ten a máis longa tradición de entre as convencións internacionais de esperanto, levándose a cabo case ininterrompidamente por máis de cen anos. Os congresos organizáronse cada ano desde 1905, excepto durante as Guerras Mundiais. A Asociación Universal de Esperanto estivo organizando estes encontros desde 1920.
Estes congresos organízanse ano a ano e reúnen unha media de 2000 participantes (desde a segunda guerra mundial). A cantidade oscilou entre os 800 e 6000 dependendo do punto de reunión. O número media de países representados é de 60. O Congreso Mundial leva a cabo normalmente entre a última semana de xullo e a primeira de agosto, iniciándose e terminándose un sábado (8 días en total).