Colin Powell | |
---|---|
![]() | |
Nome completo | Colin Luther Powell |
Nacemento | 5 de abril de 1937 |
Lugar de nacemento | Nova York |
Falecemento | 18 de outubro de 2021 |
Lugar de falecemento | Hospital Militar Nacional Walter Reed |
Causa | COVID-19 |
Soterrado | Cemiterio Nacional de Arlington |
Nacionalidade | Estados Unidos de América |
Etnia | Afroamericano |
Relixión | Igrexa episcopal nos Estados Unidos |
Alma máter | City College of New York, Universidade George Washington, United States Army Command and General Staff College, Morris High School e National War College |
Ocupación | político, diplomático, army officer e ministro dos negócios estrangeiros |
Cónxuxe | Alma Powell |
Premios | comendador da Lexión de Honor, Estrela de Bronze, Knight Commander of the Order of the Bath, Lexionario da Lexión do Mérito, Medalha Spingarn, Purple Heart, Presidential Citizens Medal, Medalla Presidencial da Liberdade, Medalla do Aire, Philadelphia Liberty Medal, Ronald Reagan Freedom Award, Library of Congress Living Legend, Orde da Estrela de Romanía, Gran cruz da Lexión de Honor, Medalla de Ouro do Congreso dos Estados Unidos de América, Horatio Alger Award, Fulbright Prize, Benjamin Franklin Medal, Commander with Star of the Order of Merit of the Republic of Poland, Defense Distinguished Service Medal, Medalha de Serviço Distinto, Defense Superior Service Medal, lexión o medito, Soldier's Medal, Medalha de Comenda, Medalha do Serviço de Defesa Nacional, Medalha de Serviço do Vietnã, Medalha da Campanha do Vietnã, Gallantry Cross (Vietnã do Sul), Orde do Imperio Británico, Ordem da Jamaica, "Gjergj Kastrioti Skënderbeu" Decoration, Order of Stara Planina, Order of Merit of the Republic of Poland, Ordem do Mérito da República da Hungria e Annenberg Award for Excellence in Diplomacy |
Na rede | |
![]() ![]() ![]() ![]() ![]() ![]() ![]() ![]() ![]() | |
![]() | |
[ editar datos en Wikidata ] | |
Colin Luther Powell, nado en Harlem (Nova York) o 5 de abril de 1937, e finado en Bethseda (Maryland) o 18 de outubro de 2021,[1][2][3] foi un político, diplomático e xeneral estadounidense que foi o 65º secretario de Estado dos Estados Unidos de América, equivalente ao ministerio de exteriores daquel país, entre 2001 e 2005. Powell foi o primeiro secretario de Estado afroamericano.[4] Antes da elección de Barack Obama como presidente en 2008, Powell e a súa sucesora, Condoleezza Rice, eran os afroamericanos que chegaran a un escalafón maior na historia do poder executivo a nivel federal, xa que o secretario de Estado é o cuarto na liña de sucesión presidencial nos Estados Unidos.
Powell naceu en Nova York en 1937 e criouse no South Bronx. Os seus pai, Luther e Maud Powell, inmigraron aos Estados Unidos desde Xamaica. Powell estudou en escolas públicas neoiorquinas e graduouse no City College of New York (CCNY), onde recicibu un grao en xeoloxía. Tamén participou nun ROTC no CCNY e recibiu unha comisión como subtenente do exército logo de graduarse en xuño de 1958. Powell foi soldado profesional durante 35 anos, durante os cales ocupou moitos cargos de mando e persoal e chegou ao rango de xeneral de catro estrelas. Foi Comandante do Comando das Forzas do Exército dos Estados Unidos en 1989.
O seu último cometido, de outubro de 1989 a setembro de 1993, foi o de actuar como 12.º presidente dos Joint Chiefs of Staff, o máis alto cargo militar do Departamento de Defensa. Durante este tempo, supervisou 28 crises, incluías a invasión de Panamá en 1989 e a Operación Tormenta do Deserto na guerra do Golfo contra Iraq en 1990-1991. Formulou a Doutrina Powell que limita a acción militar estadounidense a menos que cumpra os criterios relativos aos intereses de seguridade nacional dos Estados Unidos, a forza esmagadora e o amplo apoio público.[5] Deste xeito, inicialmente, foi contrario á intervención nas guerras de Iugoslavia.[6][7][8] Posteriormente foi nomeado secretario de Estado ao servizo do presidente republicano George W. Bush. O seu mandato foi moi controvertido debido á súa imprecisa xustificación da guerra de Iraq en 2003. Como secretario de Estado foi o responsable de presentar ante o Consello de Seguridade da ONU supostas probas do arsenal militar de Iraq, incluso "armas de destrución masiva", para xustificar a intervención.[9] Posteriormente estas afirmacións foron desmentida polos feitos.[10] Foi cesado despois de que Bush fose reelixido en 2004.[11]
Trala súa retirada, Powell escribiu a súa autobiografía, My American Journey. Iniciou unha carreira como confereciante, dirixíndose ao público en todo o país e no estranxeiro. Antes do seu nomeamento como Secretario de Estado, foi o director de America's Promise – The Alliance for Youth, organización sen ánimo de lucro dedicada a mobilizar persoas de calquera sector da vida estadounidense para construír o carácter e a competencia da mocidade. Powell recibiu numerosas condecoracións. Entre os galardóns civís está a Medalla Presidencial da Liberdade (dúas veces), a Congressional Gold Medal, a Presidential Citizens Medal, a Secretary of State Distinguished Service Medal e a Secretary of Energy Distinguished Service Medal. En 2016, a pesar de non ser candidato á elección, Powell recibiu tres votos electorais para optar á presidencia dos Estados Unidos de América.[12] Tratouse de tres electores do estado de Washington que deberían votar por Hillary Clinton e que na sesión do colexio electoral votaron finalmente por Colin Powell.[13]
Faleceu o 18 de outubro de 2021 por mor de complicacións de COVID-19.[3][14]
![]() |
Wikimedia Commons ten máis contidos multimedia na categoría: Colin Powell ![]() |
![]() |
A Galipedia ten un portal sobre: Estados Unidos de América |