Chaka Khan, cantante estadounidense nada en Great Lakes, Illinois o 23 de marzo de 1953 co nome de Yvette Marie Stevens. Na súa mocidade colaborou co programa de almorzos gratuítos para nenos dos Panteras Negras. É nesa época cando toma o nome de Chaka, en homenaxe a figuras históricas da negritude como Chaka Bey ou Shaka dos zulús. Despois de abandonar a escola en 1969 pasará por distintos grupos até que coñece a Kevin Murphy e André Fisher e deciden formar o grupo Rufus. Nese anos casa co baixista Hassam Khan, adoptando o seu apelido.
Rufus debuta en 1973 e ten un rápido éxito na escena funk da época. Cando se separan en 1978 teñen na súa conta media ducia de álbums de ouro ou de platino.
A partir de 1978 Chaka Khan comeza a súa carreira en solitario co hit "I'm Every Woman". Dende entón a súa carreira atinxiu multitude de estilos como o funk, disco, jazz, hip hop, pop e blues.