Estante que conten a edición completa do Canon Pali, na que se integra o Dhammapada.
O Canon Pali, tamén coñecido como Tipitaka, é o tripla conxunto de textos escritos en idioma pali e compostos no norte da India que recollen as ensinanzas de Buda. O texto tal como chegou a nós foi establecido no concilio budista de Sri Lanka o 29 a. de C.
O canon pali divídese en tres conxuntos de textos ou pitakas (lit. "cestos"):
Vinaya piṭaka ou Cesto da disciplina. Recolle as regras monásticas das congregacións budistas.
Sutta piṭaka ou Cesto dos sutta. Conxunto de sermóns ou discursos atribuídos ao Buda, entre os que se encontran os célebres Satipatthana-sutta (Sutra da Atención), Anguttara Nikaia (Sutras numerados) e o Dhammapada (Camiño da ensinanza). Versan sobre a moral e o adestramento mental.
Abhidhamma piṭaka ou Cesto da doutrina. Contén a parte doutrinal e conceptual que fundamenta o budismo, e inclúe comentarios aos outros dous cestos.
