Bleach (en xaponés: ブリーチ, Hepburn: Burīchi^?) é un manga e anime creado por Tite Kubo. Até xuño de 2009 editáronse 40 tomos no Xapón. Os novos capítulos publícanse semanalmente en Shōnen Jump magazine. O número total de capítulos no manga ata o momento é de 292. O anime emítese todos os mércores, en TV Tokyo (canle de televisión xaponesa) e ata o momento saíron ao aire 230 episodios.

A serie segue a vida de Kurosaki Ichigo, un estudante de instituto de 15 anos que ten a facultade de ver espíritos. Un día unha shinigami (literalmente "deus da morte" en xaponés) chamada Kuchiki Rukia termina en casa de Ichigo perseguindo un Hollow (baleiro en inglés, que é un espírito maligno creado pola extrema tristeza dunha alma moi apegada a algo terreal ou por ser devorada por outro Hollow) que ataca á súa familia seguindo o aroma do gran reiatsu (poder espiritual) que Ichigo posúe. No transcurso da loita Rukia é ferida gravemente, polo que decide transferir unha parte dos seus poderes a Ichigo converténdoo en shinigami.

A partir de aquí, comezan as aventuras de Ichigo e Rukia, e a medida que transcorre a serie, vaise profundizando a trama e vanse desentrañando misterios do mundo dos shinigami, a Sociedade de Almas, e a acción toma lugar tanto neste mundo como no "outro".

O destino dos shinigami é guiar ata a Sociedade de Almas aos Plus (Positivos, espíritos moi ligados á terra pero que non son malvados) mediante o "enterro da alma" e "purificar" os Hollow, o que consiste en atacarlles cunha Zanpakutoh (espada segadora de almas que porta todo shinigami) e envialos á Sociedade de Almas como aos Plus, protexendo deste xeito as almas e aos seres humanos, mantendo o balance en ambos mundos.

A serie está cargada de personaxes interesantes. Tamén Ichigo verase acompañado dos seus amigos, o que fai que teña un bo toque de humor e moi boa trama sentimental.

• Ichigo Kurosaki (黒崎一護 / Kurosaki Ichigo): Ichigo é o protagonista da serie. Ten unha personalidade fría e "pasota" polo que é bastante asocial. En contraste con isto, é moi protector cos seus amigos e familia polos que dá a súa vida sen pensalo. Desde pequeno posúe a capacidade de ver espíritos, o que fai que teña unha vida fóra do normal.
• Kuchiki Rukia (朽木ルキア / Kuchiki Rukia): Rukia é unha das co-protagonistas da serie. Ás veces pode mostrarse fría e outras veces pode chegar a arriscar a súa propia vida para salvar a alguén. Foi enviada á Terra asignada ao coidado dunha zona por exceso de Hollows e é a partir de aquí que se desenvolve a historia de Bleach. Encántanlle os coellos e debúxaos cada vez que ten que ensinarlle algo a Ichigo. Únelle un gran lazo a Byakuya Kuchiki.
• Uruyū Ishida (石田雨竜, Uryū Ishida): Ishida é un Quincy, para ser máis exactos un dos restantes da súa raza (o outro é o seu pai). Odia aos shinigamis porque os cre culpables da morte do seu mestre (avó). Posúe un alto poder espiritual, unha gran capacidade para razoar e habilidade para realizar case calquera traballo manual (é especialmente bo na costura e confección de roupa). É o primeiro á hora de facerse o importante (Ichigo é o segundo).
• Inoue Orihime (井上織姫, Inoue Orihime): É unha das compañeiras de clase de Ichigo e é a mellor amiga de Tatsuki. É moi soñadora e despistada, por esta razón ás veces pódese percibir como parva, cando nos estudos é case tan boa como Ishida. O seu irmán e ela escaparon da súa casa porque os seus pais maltratábanos; tempo despois o seu irmán morreu nun accidente, e desde entón ela vive soa. Inoue posúe certos poderes especiais que se espertan a medida que avanza a serie: consisten nunha especie de elfos-fadas chamados Shun Shun Rikka (As Seis Flores do Escudo de Hibiscus) que "viven" nunhas forquitas que lle regalou o seu irmán. Inoue é capaz de levar a cabo unha serie de habilidades de ataque, defensa e curación.
• Yasutora Sado(茶渡泰虎, Yasutora Sado): É un dos mellores amigos de Ichigo, quen sempre o chama Chado. Naceu en Okinawa, Xapón pero cando morreron os seus pais foi a vivir a México co seu avó, Oscar Joaquín Da Rosa. En México converteuse nun mozo problemático que se pelexaba con todos aproveitando o seu gran tamaño e forza, pero o seu avó fíxolle prometer que non o faría máis, e deulle a súa moeda da República Mexicana. É precisamente nunha pelexa que coñece a Ichigo e prométense sempre pelexar o un polo outro. Do mesmo xeito que Inoue, os seus poderes vanse desenvolvendo ao longo da historia, só que no seu caso baséanse na forza bruta.
• Abarai Renji (Abarai Renji): É íntimo amigo de Kuchiki Rukia, coñécense desde que eran pícaros no Rukongai(lugar onde viven as almas). É un shinigami como Rukia; Renji ostenta o rango de Tenente (Fukutaicho en xaponés) e o Capitán do seu grupo é dos máis poderosos shinigamis e dunha familia nobre. A súa espada (zanpakutou) chámase Zabimaru e é o 'Rei Babuino', é un babuíno albino (como Yurena). Abarai Renji é o único tenente que domina o Bankai.
• Kon (Kaizou Konpaku?): Kon é unha alma modificada que por erro mesturouse coas pílulas Gikongan que Rukia compra na tenda de Urahara. As pílulas Gikongan conteñen almas temporais que se son ingeridas introdúcense no corpo forzando a saír a alma auténtica da persoa. Así Kon acaba ocupando o corpo de Ichigo. Como tiveron problemas para atoparlle un corpo a Kon, introducírono nun peluche con forma de león que é o que usa desde ese entón. A habilidade de Kon é unha potencia desmesurada nas súas pernas para correr ou saltar pero non posúe en absoluto un espírito combativo ou destrutivo. É un dos personaxes que máis aportan o toque humorístico á serie.
• Urahara Kisuke (Urahara Kisuke): É o dono da tenda Urahara, no barrio Karakura. É un personaxe algo estraño, que viches sempre unha bata típica xaponesa, sandalias de madeira e un gorro de raias. No seu almacén contén artigos traídos da Sociedade de Almas, que adoita vender aos Shinigami que os necesitan. Ás veces as súas mercancías rozan o límite da legalidad ou ben son artigos creados por el. Moitas veces aparece como un toque cómico máis, pero outras se mostra como alguén moi misterioso.
• Shihouin Yoruichi(, Shihouin Yoruichi?): É un gato moi misterioso que axuda ao grupo de Ichigo na Sociedade de Almas. É a mellor amiga de Kisuke Urahara, e por iso de cando en vez accede ao Almacén Urahara a visitalo. Nunha desas visitas, fala con Kisuke sobre Ichigo e Rukia, e decide axudarlles no seu rescate de Rukia.
• Kurosaki Isshin (Kurosaki Isshin): Pai de Ichigo, Yuzu e Karin. Aparentemente no inicio da serie é un personaxe secundario de pouca importancia (máis ben un recheo cómico na serie). Pero a apartir do episodio 111 de anime revélase que en verdade é un shinigami e ata hai a posibilidade de que sexa capitán. Está demostrado que é amigo de Urahara e non se coñecían os seus poderes debido a que ocupa un gigai.

Ata agora en Bleach mostráronse só dous "razas": humanos e espíritos. Os humanos son usualmente como humanos da vida real e non poden ver ou sentir espíritos, aínda que hai uns cantos que poden velos claramente. Algúns humanos como os Quincy teñen o poder de non só sentir espíritos senón tamén combatelos. Os humanos incapaces de sentir espíritos poden gañar a habilidade de facelo se pasan suficiente tempo preto dunha gran fonte de enerxía espiritual, este é o caso de Chad e Inoue ao estar preto de Ichigo. Os espíritos están compostos de reishi cunha anatomía similar a un corpo de carne e óso ordinario, incluíndo órganos e sangue. A coninuación atópanse as razas humanas e espirituais máis importantes.