Ameixa rubia | |||||||||||||||||
---|---|---|---|---|---|---|---|---|---|---|---|---|---|---|---|---|---|
Clasificación científica | |||||||||||||||||
|
A ameixa rubia[1][2](Venerupis rhomboides, Pennant 1777 [3]; antes Tapes rhomboides) é unha especie de molusco bivalvo mariño pertencente á familia dos Venéridos (Veneridae), da orde Veneroida.
Ten unha cuncha sólida, equivalva pero non equilateral (o umbo está desprazado cara á parte anterior) e perfil ovalado. Presenta liñas de crecemento finas. A charnela posúe tres dentes cardinais en cada valva, algúns bífidos.
A cor é típicamente rubia, avermellada, desde tons cremas a rubia castaña, adoito con raias, manchas ou bandas quebradas máis escuras que a cor do fondo.
En Galicia abunda nas Rías Baixas. Vive enterrada nos fondos de area e grava, desde a franxa infralitoral ata os 200 m de profundidade.
Péscase con raños desde a embarcación.
Cocíñase e consómese como as outras ameixas, aínda que esta é menos apreciada. A carne endurece se se prolonga a cocción. Tamén se utiliza para conserva.