Alfonso Pexegueiro

Biografía
Nacemento	19 de abril de 1948 (75 anos) Angoares, España
Datos persoais
País de nacionalidade	España
Actividade
Ocupación	poeta
Lingua	Lingua galega e lingua castelá
Obra
Obras destacables (1994) O lago das garzas azuis

Alfonso Pexegueiro González, nado en Angoares (Ponteareas) o 19 de abril de 1948, é un escritor galego.

Traxectoria

Iniciou a súa actividade literaria en Galicia no ano 1975 como fundador do Grupo Rompente. Entre 1976 e 1978 traballou na redación da revista infantil e xuvenil Vagalume. Fundou en 1980 xunto con outros escritores a Asociación de Escritores en Lingua Galega da que foi secretario ata xuño de 1985. Como secretario da AELG coordinou a revista Escrita e impulsou o I Congreso de Escritores en Lingua Galega, así como o Galeusca, encontros de escritores vascos, cataláns e galegos. Deu numerosos recitais de poesía. Colaborou en prensa con artigos de opinión, e sobre arte e literatura. Desde 1985 ata 2000 residiu en Barcelona. Actualmente reside en Galicia.

Obra en galego

Poesía

• Seraogna (Grupo Rompente, 1976^[1]; 2ª edición: Biblioteca das Letras Galegas, Xerais, 1997).^[2]
• Mar e naufraxio (Cíes, 1978).
• Círculos de auga (Akal, 1979).
• O pabellón das hortensias azuis, (Edición de autor, 1983).
• A illa das mulleres loucas (Llibres del Mall, edición bilingüe catalán-galego, 1984;^[3] castelán-galego, 1986^[4]), (Galaxia, 2004. Con CD música de Anxo Pintos (zanfona) e Quico Comesaña (arpa)).
• ¿Serán os cisnes que volven? (Xerais, 1995).
• Hipatia (Xerais, 1998).
• Blasfemias de silencio (inclúe: Círculos de auga, 1979; Mar e naufraxio, 1978; O pabellón das hortensias azuis, 1983; ¿Serán os cisnes que volven?, 1995; O reiseñor dos Balcáns, 1999) (Xerais, 2000). Publicado polo Concello de Ponteareas en 2018: Blasfemias de silencio (De Seraogna aos Balcáns).^[5]
• O lago das garzas azuis (Conto de Europa, Nenos de África), con debuxos de Xosé Freixanes (Xerais, 2005). Editado en castelán por Lumen en 1994.^[6]

Narrativa

• Relatos para salferir (Xerais, 1981), co título El Desert de Nabalpam (Llibres del Mall, 1985)^[7], e co título O deserto de Nabalpam (Espiral Maior, 2003).
• Fantasía (extracto) do xefe dos lagartos, carpeta co pintor Xosé Freixanes (1988).
• Desatinos dun maldito (Xerais, 1991).

Teatro

• Lapsus (Axóuxere, 2014).

Obras colectivas

• Escolma de poesía galega (1976-1984), 1984, Sotelo Blanco.
• Erato bajo la piel del deseo, 2010, Sial Ediciones. En edición bilingüe galego-castelán.

Obra en castelán

Narrativa

• Dados blancos (Caballo de Troya, 2004).
• Mañana vino a verme la luna de los pájaros grandes (Lumbria, 2023).

Poesía

• Rizo y Riza. Un brindis por la duda (Lumbria, 2021).

Premios

• Premio da Crítica de Galicia en 1978 por Mar e naufraxio.
• Premio Fervenzas Literarias ao mellor libro de teatro de 2014, por Lapsus.

Notas

Véxase tamén

Ligazóns externas

• Alfonso Pexegueiro na páxina web da Asociación de Escritoras e Escritores en Lingua Galega.
• Páxina en Editorial Galaxia