Is e com-pàirteachas rannsachaidh a tha ann an Soillse a tha a' toirt còmhla Oilthigh na Gàidhealtachd agus nan Eilean (gu h-àraidh Sabhal Mòr Ostaig), Oilthigh Obar Dheathain, Oilthigh Ghlaschu is Oilthigh Dhùn Èideann. Tha e gu h-àraid a’ dèanamh rannsachaidh air cor na Gàidhlig, airson ’s gum bi seo ’na bhun-stéidh air polasaidhean aig an Riaghaltas is eile a bheireas taic dhan chànan.
B’ e Rob Dunbar a’ chiad phroifeasair agus ceannard aig Soillse 2010-2013. Thòisich Conchúr Ó Giollagáin mar phroifeasair agus ceannard sa Ghiblean 2014.
Chaidh Soillse a stèidheachadh mar ghoireas rannsachaidh aig ìre ro-innleachd a bhiodh comasach air fianais, dearbhadh agus tuigse fhreagarrach a thoirt do phoileasaidhean poblach a bhiodh air an dealbhachadh airson ath-nuadhachadh a thoirt air cor na Gàidhlig ann an Alba san latha an-diugh agus san àm ri teachd.
Tha Soillse a’ toirt còmhla ghoireasan rannsachaidh agus chomasan rannsachaidh airson nam prìomh amasan seo:
Cuide ri pròiseactan air corpas na Gàidhlig agus ionnsachadh na Gàidhlig, tha Soillse an sàs gu mór ann am Pròiseact Rannsachaidh Gàidhlig nan Eilean, le toraidhean gu bhith a’ tighinn a-mach tràth ann an 2018.