Taidhleoir agus státaire ab ea Jules Raymond Mazarin, nó an Cairdinéal Mazarin mar is fearr aithne air. Do rugadh i bPescina, áit a bhí fé smacht Ríocht Napoloi ag an am, ar an 14ú lá d'Iúil sa mbliain 1602, é. Do fuair sé bás i Vincennes na Fraince, ar an 9ú lá de Mhárta sa mbliain 1661.
D'oibrigh Mazarin don bPápacht ar dtús, mar fhear míleata agus mar thaidhleoir. Is de bharr na mblianta a chaith sé ag obair do rithe na Fraince - Louis XIII (Gaeilge: An Tríú Laoiseach Déag) agus Louis XIV (Gaeilge: An Ceathrú Laoiseach Déag) - gur bhain Mazarin áit i stair na hEorpa amach dó féin, áfach. Do bhí sé ina Phrincipal ministre d'État (Gaeilge: 'Phríomh-Aire Stáit') - .i. Príomh-Chomhairleoir Rí na Fraince - ón mbliain 1643 go dtí 1661, agus do bhí ról lárnach aige i neart eachtraí polaitiúla dá bharr san. Bhí Mazarin páirteach in ullmhúchán Chonarthaí Mhünster - a roinnt an Ísiltír idir an Spáinn agus na Cúigí Aontaithe - agus na bPiréiní - a chur deireadh leis an gcogadh siúd a thosnaigh idir an Spáinn agus an Fhrainc sa mbliain 1635 -, mar shampla.
![]() | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |