Roberto Malone | ||
![]() | ||
![]() | ||
persoanlike bysûnderheden | ||
oare artyste- nammen |
Roberto Mallone, Bob Malone, Robert Malone, Bob Holmes, Roberto Mei | |
echte namme | Roberto Pipino | |
nasjonaliteit | ![]() | |
berne | 31 oktober 1956 | |
berteplak | Turyn (Itaalje) | |
etnisiteit | ![]() | |
reg. identiteit | ![]() | |
wurkpaad | ||
wurksum as | pornoakteur, regisseur | |
jierren aktyf | 1970-er jierren – 2011 | |
offisjele webside | ||
roberto-malone.com |
Roberto Malone, echte namme: Roberto Pipino (Turyn, 31 oktober 1956), is in rêstend Italjaansk pornografysk akteur en regisseur, dy't inkeldris ek wurke hat as mainstream-akteur. Syn namme wurdt ek wol (mis)stavere as Roberto Mallone, en dêrnjonken hat er wol gebrûk makke fan 'e skûlnammen Bob Malone, Robert Malone, Bob Holmes en Roberto Mei. Malone begûn yn 'e 1970-er jierren mei syn karriêre, en spile yn in grut tal pornofilms. Dêrnjonken regissearre er sels ek twa films. Yn 2011 loek er him nei mear as 35 jier út 'e pornoyndustry werom.
Malone waard yn 1956 berne yn it Noarditaljaanske Turyn, de haadstêd fan 'e regio Piëmont. Fan 'e jierren santich ôf wied er aktyf as akteur yn withoefolle pornofilms, wêrfan't Chiamami (1987) en Joy en Afrique (1991) de bekendste binne. It argyf op syn side fan 'e Internet Adult Film Database (IAFD) giet werom oant 1987 en telt 387 titels. Dêrby wurke er meast foar Jeropeeske labels, lykas de Italjaanske Mario Salieri Entertainment Group, it Frânske Vidéo Marc Dorcel, it Sweedske Private en it Dútske Videorama, Magmafilm en Sascha Alexander Productions. Mar ek hat Malone wol yn films spile foar bekende Amerikaanske studio's, wêrûnder VCA Pictures, Evil Angel, Wicked Pictures en Sin City.
Under syn lange wurkpaad hat Malone gearwurke mei akrises as Nikki Anderson, Erika Bella, Dru Berrymore, Anita Blond, Dolly Buster, Tabatha Cash, Julia Chanel, Channone, Vivienne Clash, Monique Covét, Ivy Crystal, Rita Faltoyano, Jeanna Fine, Tanya Hansen, Joy Kiss, Mafalda, Kate More, Victoria Paris, Moana Pozzi, Olivia del Rio, Karma Rosenberg, Kristina Schwartz, Kelly Stafford, Ilona Staller (Cicciolina), Zara Whites, Gina Wild en Sarah Young.
Njonken syn aktearwurk hat Malone twa films sels regissearre: Tutto su Mio Marito, út 2000, en Sex Out of Limits, út 2010. Fierders hied er in lyts roltsje yn 'e kontroversjele mainstream-film Romance X, út 1999, fan 'e Frânske regisseur Catherine Breillat. Yn 'e 1990-er jierren wie Malone in lyts hoartsje troud mei de Nederlânske pornoaktrise Zara Whites. Op 't heden is er troud mei de Hongaarske pornoaktrise Eva Falk. Yn 2011 loek Malone him nei mear as 35 jier út 'e pornoyndustry werom. Syn soan Andrea Malone en dy syn frou Nilia Mendez, in Kubaanse, spilen tusken 2009 en 2011 tegearre ek yn trije pornofilms.
Jier | Priis | Resultaat | Kategory | Foar syn optreden yn |
---|---|---|---|---|
2002 | FICEB Ninfa Award | wûn | oeuvrepriis | n.f.t. |
2004 | FICEB Ninfa Award | wûn | bêste byrol fan in akteur | I Racconti Erotico della Cripta di Zio Tibia |
Urban X Award | wûn | bêste akteur (Itaalje) | n.f.t. | |
2005 | FICEB Ninfa Award | wûn | bêste akteur | Sex Mistere |
2008 | FICEB Ninfa Award | wûn | spesjale sjuerypriis | n.f.t. |
Boarnen, noaten en/as referinsjes: |
Foar boarnen en oare literatuer, sjoch ûnder: References, op dizze side. |