Auke Herrema (Drachten, 16 desimber 1956) is in Nederlânsk cartoonist, yllustrator, berneboekeskriuwer en oersetter fan berneboeken.
Yn 1969 gie Herrema nei it atheneum yn Drachten. Ferfolgens sette er ôf nei Delft om arsjitektuer te studearjen oan de Technyske Universiteit. Hy studearre ôf yn 1983. Op dat stuit koe er gjin wurk fine as boukundige. Herrema hie lykwols altyd al in soad niget oan tekenjen, dat dêr hat er syn berop fan makke.
Meastal wurket er foar reklameburo's en it bedriuwslibben, mar hy tekenet leaver foar (berne)boeken. Teffens jout er lêzingen op skoallen en yn bibleteken.