Se tu cirivis la scuadre di balon viôt Udinese Calcio

Udin
Non uficiâl par talian	Udine
Provincie	Udin
Part	Friûl di Mieç
Coordenadis gjeografichis	46°4′0″N 13°14′0″E / 46.06667°N 13.23333°E / 46.06667; 13.23333
Altitudin	113 m s.n.m
Superficie	57,17 km²
Popolazion	99.169 (2016) ab.
Densitât	1.734,63 ab/km²
Frazions	Baldassarie alte, basse e medie; Beivârs; Buse dai Veris; Cormôr alt e bas; Cussignà; Godie; Mulignûf; Laipà; I Riçs; Padier; Paparots; Partidôr; Sant Bernart; Sant Gotart; Sant Pieri; Sant Vorlì; Sant Svualt;
Comuns confinants	Cjampfuarmit, Martignà, Pasian di Prât, Pavie, Paulêt, Puçui, Pradaman, Reane dal Roiâl, Remanzâs, Tavagnà
CAP	33100
Prefìs telefonic	0432
Patron	Sants Macôr e Fortunât

	«O ce biel cjiscjel a Udin. o ce biele zoventût»
	(Vilote)

Udin (Weiden in Friaul par todesc, Videm par sloven, Udine par talian) e je la capitâl dal Friûl. E je logade intal Friûl centrâl, intune posizion strategjiche: e je une citât di plui di 99.000 abitants e po, ancje un centri di atrazion pai paîs ator ator. E je ancje cjâf lûc de omonime provincie, la plui grande par dimensions inte regjon Friûl-Vignesie Julie.

Nassude probabilmentri come insediament celtic, e fo slargjâde intal periodi di Rome. Tal indomàn dal crac dal Imperi, al restà dome un piçul centri sigurementri une vore mancul impuartant di Aquilee e Cividât.

Il prin document scrit che al fevele di Udin — in che volte clamade "Utinum" — al é dal 983. Tal 1223 la creazion di un marcjât aumentà la impuartance di Udin che e deventà la citât plui grande e plui impuartant dal Friûl, fin a deventâ sede dal Patriarcjât di Aquilee in gracie dal imperadôr Oton II. Intal 1420 e passà cul Friûl a le Republiche di Vignesie indulà che e restarà fin tal 1797 (famee storiche ascrite al patriziât Vignesian di riferiment tal periodi a je che dai Savorgnan, che il lôr blason al je, ancjemò vuê, steme stes de citât), an dal Tratât di Cjampfuarmit, cuant che e pasà sot de influence francese.

Cu la colade di Napoleon e la seguitive Restaurazion dal Congrès di Viene, intal 1813 e fasè part dal Ream Lombart-Venit, regjon dal Imperi Asburgjic. Il 1866 e je la date di anession al Ream di Italie. Tal mieç dal 1915 e dal 1917 Udin e fo capitâl de vuere. Podaspò de rote di Cjaurêt e fo ocupade dai Austro-Todescs par jessi liberade il 2 di Novembar dal 1918.

Ancje vie pal secont conflit mondiâl la citât di Udin e fo un impuartant lûc di vuere. Daspò dal 8 di Setembar dal 1943 la citât e fo ocupade dai soldâts todescs dal Tierç Reich e la liberazion e acjadè dome tal Avrîl dal 1945. Pai sacrificis e pe ande de popolazion, Udin e fo decorade cu la Crôs al Merit di Vuere pal prin conflit e cu la Medaie d'Aur al Valôr Militâr par la seconde vuere.

Udin je logade intal mieç de planure furlane, ator di un cuel dominât dal cjistiel che al rive a 138 metris di altitudin sul nivel dal mâr.

Lis coordinadis gjeografichis e son: 46° 3'52.96"N 13°14'8.39"E

• 
  Udin
• 
  I Riçs
• 
  Padier
• 
  Sant Svualt
• 
  Laipà
• 
  Paparots
• 
  Baldassarie basse
• 
  Baldassarie medie
• 
  Cussignà
• 
  Beivârs
• 
  Sant Bernart
• Mulignûf
  Mulignûf
• 
  Sant Gotart

Cjavriis, Sant Domeni, Sant Pauli, Sant Roc, Vât, Vilaç dal soreli, Udin sud.

• Borc d'Olee (Via Aquileia),
• Borc Glemone (Via Gemona),
• Borc di Graçan (Via Grazzano),
• Borc di Cussignà (Via Cussignacco),
• Borc di Puscuel (Via Poscolle),
• Borc di Sant Lazar (Via Anton Lazzoro Moro),
• Borc di Sôre (Via Superiore),
• Borc di Vilalte (Via Villalta),
• Borc d'Isule (Via Giovanni da Udine),
• Borc di Praclûs (Via Pracchiuso),
• Borc di Trep (Via Treppo),
• Borc dai Roncs (Via Ronchi),
• Borc di Mieç (Via di Mezzo),
• Borc Bertaldia (Via Bertaldia),
• Borc di Viole (Via Viola),
• Borc di Cjastelan (Via Castellana),
• Borc di Sante Marie (Via Antonio Zanon),
• Borc di Sant Francesc (Via Beato Odorico da Pordenone),
• Borc di Bartolomio (Via Daniele Manin),
• Borc dal Fen (Via Cavour),
• Borc di Sante Luzie (Via Giuseppe Mazzini),
• Borc di Sant Cristoful (Via Bartolini),
• Contrade di Sante Justine (Via Divisione Julia),
• Contrade dal Spagnûl (Via Pietro Zorutti),
• Contrade dal Morarat (Via del Gelso),
• Contrade di Sante Marie dai Batûz (Via Bonaldo Stringher),
• Contrade dai Fors (Via della Prefettura),
• Contrade di Sant Pieri Martar (Via Paolo Sarpi),
• Androne dai Ebreus (Vicolo Agricola)

• Zardin Grant (Piazza primo maggio),
• Place di Sant Jacum o Marcjât gnûf o des Jerbis (Piazza Giacomo Matteotti),
• Place Contarene o dal Vin (Piazza Libertà),
• Place dal Polam (cine Centrale),
• Place dai Lens (Piazza Girolamo Venerio),
• Place dai Grans (Piazza XX Settembre),
• Place dai Barnabîts (Piazza Giuseppe Garibaldi),
• Place dal Domo (Piazza Duomo).

• Cjistiel
• Palaç dal Arcivescul, cun pituris dal Tiepolo
• Domo
• Templi ossari
• Glesie di Sante Marie in Cjistiel
• Basiliche de Madone des Graciis
• Oratori de Puritât
• Loze dal Lionel
• Loze di San Zuan
• Torate dal orloi

Il Teatri Gnûf Zuan di Udin al è il plui grant teatri de citât; al è stât screât il 18 di Otubar 1997, e al à 1.230 puescj. Al è un progjet dal inzegnîr Giuliano Parmegiani e dal architet Lorenzo Giacomuzzi Moore.

cines di Udin:

• Visionario
• Centrale
• Diana

antîcs:

• Ariston
• Capitol
• Cristallo
• Ferroviario Ipolito Nievo
• Odeon
• Puccini

Multisale:

• Cinecity (Pradaman)
• Cine Città Fiera (Martignà)

Primariis:

I circul:

• Dante Alighieri
• Arturo Zardini^[2]
• Ada Negri
• Luigi Garzoni
• Alberti

II circul:

• Toppo Wassermann
• 4 Novembar
• Giovanni Pascoli
• D'Orlandi
• Silvio Pellico
• Edmondo De Amicis

III circul:

• Friz
• Ipolito Nievo
• Giuseppe Mazzini
• Pieri Çorut
• Girardini

IV circul:

• Gianni Rodari
• Sant Domeni
• Giosuè Carducci
• Division Alpine Julie
• Enrico Fruch

Secondariis di prin grât:

• Alessandro Manzoni
• Enerico Fermi
• Giuseppe Ellero
• Zuan Batiste Tiepolo
• Pacifico Valussi
• Guglielmo Marconi
• Giusto Bellavitis
• Uccellis
• Jacopo Tomadini
• Bearzi (P)
• Gaspare Bertoni (P)
• Dimesse (P)
• The Udine International School (P)

Secondariis di secont grât:

• Liceu classic "Jacopo Stellini"
• Liceu sientific "Giovanni Marinelli"
• Liceu sientific "Nicolò Copernico"
• Liceu linguistic, des sciencis umanis, economic-sociâl, musicâl "Catarine Percude"
• Liceu pedagogjic-sociâl, classic european, coreutic "Uccellis"
• Istitût tecnic comerciâl "Antonio Zanon"
• Istitût tecnic comerciâl "Cecilia Deganutti"
• Istitût tecnic industriâl "Arturo Malignani"
• Istitût tecnic par gjeometris "Gian Giacomo Marinoni"
• Istitût profesionâl pai servizis comerciâi "Bonaldo Stringher"
• Istitût profesionâl pa la industrie e l'artesanât "Giacomo Ceconi"
• Liceu artistic "Giovanni Sello"

• S.P. 4 "TRESEMANE", che e continue te S.S.13 "PONTEBANE" viers TARVIS, AUSTRIE
• S.P. 49 "OSOVANE", viers OSÔF
• S.P. 15 "DI FAEDIS", viers PAULÊT, FAEDIS
• S.P. 38 "DAL CUARNAP", viers NIMIS

• S.R. 464 "DI SPILIMBERC", viers SPILIMBERC, MANIÀ
• S.S. 13 "PONTEBANE", viers PORDENON, VIGNESIE
• S.P. 59 "DI BREÇÀ", viers BREÇÀ (MURÙS)
• S.P. 52 "DI SEDEAN, viers SEDEAN
• S.P. 89 "DI CJAMPFUARMIT",
• S.P. 99 "DI BASILIAN", viers GURICIZ (CODROIP)

• S.R. 352 "DI GRAU", viers GRAU
• S.R. 353 "DE BASSE FURLANE", viers MUÇANE, che e continue S.R. 354 "DI LIGNAN", viers LIGNAN
• S.R. 56 "DI GURIZE", viers GURIZE, e continue S.R. 305 "DI REDIPUE" E S.S. 14 "DE VIGNESIE JULIE" viers TRIEST
• S.P. 94 "DI BICININS", viers BICININS, ONTAGNAN (GONÂRS)
• S.P. 2 "DI PERCÛT", viers TRIVIGNAN, TAPOIAN

• S.R. 54 "DAL FRIÛL" viers CIVIDÂT, SLOVENIE
• S.P. 37 "DI PRADAMAN" viers PRADAMAN, LOVARIE
• S.P. 48 "DI PREPOT" viers PREMARIÂS,PREPOT

S.S.13 tangjenziâl ovest jessudis:

• UDIN NORD (S.P.49)
• UDIN STADI FRIÛL
• UDIN VIE MARTIGNÀ (S.R.464)
• UDIN VIÂL MONSIGNÔR NOGARA

S.S.676 tangjenziâl sud di Udin jessudis:

• UDIN VIE POPONE
• TANGJENZIÂL SUD
• Z.I.U.-Z.A.U. (S.P.94)

jentradis te A23 "Alpe Adria":

• UDIN NORD, al km.26, tal comun di Tavagnà
• UDIN SUD, al km.13, tal comun di Puçui

• UDIN - VIGNESIE
• UDIN - ÇARVIGNAN
• UDIN - TRIEST (vie GURIZE)
• UDIN - CIVIDÂT
• UDIN - TARVIS

• Colegaments direts
  • Trens regjonâi par:
    • VIGNESIE SANTE LUSSIE vie Pordenon (durade 1:49), 28 trens al dì (9,10 eur.)
    • TRIEST CENTRÂL vie Gurize (durade 1:08), 24 trens al dì (7,25 eur.)
    • TRIEST CENTRÂL vie Çarvignan-Acuilee-Grau (durade 1:02), 4 trens al dì (6,20 eur.)
    • ÇARVIGNAN-AQUILEE-GRAU (durade 0:26), 10 trens al dì (2,75 eur.)
    • TARVIS BOSCVERT vie Cjargne (durade 1:15), 4 al dì (7,25 eur.)
    • CJARGNE (durade 0:38), 10 al dì (3,30 eur.)
    • CIVIDÂT (durade 0:19), 25 trens al dì (2,30 eur.)
  • EuroStar Alte Velocitât FrecciArgento par Rome (durade 5:23)(80eur; prime classe 106eur)
    • fermadis: Pordenon, Conean, Trevîs centrâl, Vignesie Mestre, Padue, Ruvì, Ferare, Bologne, Florence e Rome Termini
  • EuroStar City FrecciaBianca par Milan (durade 4:15)(43eur; prime classe 60,50eur)
    • fermadis: Pordenon, Sacîl, Conean, Trevîs centrâl, Cjastelfranc, Citadele, Vicenze, Verone Puarte Gnove, Pescjere, Bresse di Milan, Milan centrâl
  • InterCity Notte par Napul (durade 12:38)
    • fermadis: Codroip, Cjasarse, Pordenon, Sacîl, Conean, Trevîs, Vignesie Mestre, Vignesie S.Lusie, Padue, Termis Euganeis-Abano-Montegrotto, Monselice, Ruvì, Ferare, Bologne centrâl, Arezzo, Terontola-Cortona, Chiusi-Chianciano Terme, Rome Tiburtina, Formia, Napul centrâl
  • EuroNight par Wien Westbf, vie Salisburc (durade 9:19)(49eur.)
  • 3 corieris al dì par Villach Hbf dulà che si cjape il tren par Wien Meidling (durade 6:13)

• Friûl DOC (Friuli DOC) - riviste enologjiche e gastronomiche dai prodots dal Friûl, che al intraven un fin de setemane al an, a la metât di Setembar
• Udin al pedale (Udine Pedala) - corse in biciclete ator par Udin
• Far East Film Festival - riviste di cines orientâi, che e si displee ae fin di Avrîl
• Maratonine Citât di Udin (Maratonina città di Udine) - Gare internazionâl di mieze maratone

• 
  Il cjiscjel
• 
  Il Domo
• 
  La loze dal Lionel
• 
  Place marcjât gnûf
• 
  Il templi ossari

1. ↑ Dati 2008 anuari statistic Comun di Udin
2. ↑ Selutis Alpinis (Se tu vens cà sù ta' cretis), Ghil'ad Zuckermann, "A site dedicated to the memory of Maestro Piero Poclen, a mentsh"

• (furlan) Pagjine dal comun par furlan
• (talian) Pagjine dal Udinês par talian
• (furlan) Cjançon dal Udinês par furlan