![]() |
Leonardo da Pisa, of uk Fibonacci (itajeensk: [fiboˈnattʃi], * am 1170 uun Pisa; † efter 1240 uk diar), wiar en reegenkonstler an täält üs di bedüüdenst matemaatiker faan't Madelääler.
Üüb sin raisen tu Afrikoo, Byzanz an Syrien liard hi araabisk matemaatikern käänen an skrääw 1202 det buk Liber ab(b)aci. Diarfaan san daalang fööraal a Fibonaccitaalen bekäänd. Jo hinge nai tuup mä a Gulen Skeer.
Leonardo woort uun ual hoonskraften näämd üs Leonardus Pisanus, Leonardus filius Bonacij, Leonardus Pisanus de filiis Bonaccij of Leonardus Bigollus. Bonaccio (faan lat. bonatius „gud, gonstag“) wiar di nööm faan san ualaatj, an as familinnööm wurden. An faan filius Bonacii („dring faan Bonaccio“) as do Fibonacci wurden.