Valborg Heinesen (fødd 12. november 1986)^[1] úr Havn er ein føroyskur langteinarennari og lækni. Hon hevur vunnið gull á Oyggjaleikunum í 10.000 metra renning og í hálvmaraton og hevur sett føroysk met. Valborg hevur lisið til lækna í Póllandi frá 2007-2013 og flutti síðan til Danmarkar í oktober 2013, har hon starvast sum lækni á Hvidovre Hospital. Hon hevur fyrr starvast á Bispebjerg Hospital og sum kommunulækni.^[2] Venjari hennara er pólski Jacek Kostrzeba.^[3]

Valborg luttók á DM í maraton, sum var hildið hin 28. september 2014 í Odense á H.C. Andersen martaton. Valborg gjørdist nummar 3 og vann harvið bronsu, hon kom á mál við tíðini 2.49.37, sum var nýtt føroyskt met. Gamla metið átti Joan Bláfoss. Gott 4000 rennarar luttóku til kappingina. Valborg rann fyri felagið Sparta.^[4]

• Bronsu í DM maraton við tíðini 2.49.37, sum var nýtt føroyskt met.

• Silvur í 5000 metra renning við tíðini 17.30,22 min., sum var nýtt føroyskt met. (Gamla metið átti Bjørk Herup Olsen, tað var í Princeton í apríl 2012 við tíðini 17.37,04.) Kappingin var hildin 3. august 2014.^[5]

• 29. mars 2014 setti hon nýtt føroyskt met í HM í hálvum maraton í Keypmannahavn, tá hon kom á mál við tíðini 1.21.19. Samlað gjørdist Valborg nummar 94 av fleiri enn 8.000 kvinnum og nummar fýra í sínum bólki kvinnur 25-29 ár.

• Nr. 8 í 15 km landavegsrenning við tíðini 58.43 min. sum var nýtt føroyskt met.^[6]

• Gull í 10.000 metrar renning við tíðini 38:01.20^[7]
• Gull í hálvmaraton við tíðini 1:25:37

• Nr. 22 av teimum gott 2.200 kvinnunum og nr. 200 av 8600 rennarum við tíðini 1.24.18, sum var nýtt føroyskt met.^[8]

1. ↑ "statletik.dk, Valborg Heinesen -1986 - Sparta AM". http://statletik.dk/profil.php?id=7159&sex=k. Heintað 2014-03-29. 
2. ↑ linkedin.com - Valborg Heinesen
3. ↑ foroyar.dk - Valborg Heinesen^{[deyð leinkja]}
4. ↑ fif.fo - DM bronsu og føroyskt met til Valborg
5. ↑ fif.fo - Valborg Heinesen DM-silvur og føroyskt met
6. ↑ athletics.fo, Valborg føroyskt met á 15 km^{[deyð leinkja]}
7. ↑ natwestislandgames2013results.com
8. ↑ athletics.fo, Valborg Heinesen føroyskt met á ½ maratonteininum^{[deyð leinkja]}