«ezagutza elkarrekin eraikitzen». EHU-Wikipedia 2017 |
|
Aurkezpena | Formakuntza | Artikuluak | Baliabideak | Probalekua | Maiz egindako galderak |
Unibertsitatearen zeregin nagusietakoa ezagutza zabaltzea da, hortik Euskal Herriko Unibertsitateak, Eman ta zabal zazu Iparragirreren esaldi sonatua bereganatu izana.
Wikipedia entziklopedia askeak eta kolaboratzaileak, oso antzeko helburuak ditu: munduko ezagutza oro gizaki guztien eskura jartzea. Wikipediak gaur egun 38 milioi artikulu ditu 290 hizkuntzetan eta munduko 6. webgune bisitatuena da. Euskara bezala hizkuntza txiki eta gutxituentzat sekulako aukera izan da entziklopedia hau, bestela izugarri garestiak diren baliabideak aurrezten baititu.
Unibertsitatea eta Wikipedia, biak ezagutza hedatzeko asmoa duten erakundeak dira: bata hezkuntzara eta ikerketara bideratua, eta bestea, entziklopedia kolaboratzaile bat da. Bien arteko elkarlana aberasgarria delako, batak bestea laguntzen eta hobetzen duelako, elkarlana ezinbestekoa da.
Unibertsitatean hezkuntza mailan egiten den lana eta Wikipedia editore-lanak elkar batuta. Aprobetxa dezagun unibertsitatean ikasleek egiten dituzten lanak, ikasten dituzten gaiak, haien jakin-minak eta abar... Euskarazko Wikipedia handitzeko eta hobetzeko. Horretarako, hautazko kreditu bateko ikastaro hau prestatu dugu.
Zientziaren alor desberdineko artikuluak euskaraz sortzea eta lan horiek ebaluatzea.
EHUren Gipuzkoako Campusean ematen diren diziplina guztiak:
Ikastaroan parte hartzeko hautazko kreditua duen “EHU eta Wikipedia 2016” aukeratu behar da. Parte-hartzaileak bi iturrietatik etorri daitezke:
1. Irakasleen bitartez izena ematen duten ikasleak: Irakasleak klasean lantzen diren gaiak aukeratu eta gai horien lanketa beren ikasleei klasean proposatuko die.
2. Adskripziorik gabeko ikasleak: zerrendatuak ditugun irakasleen ikasle ez direnak beste ikasleek izena emanez gero, bilatuko da irakasleen artean gaia proposatu eta ebaluatu dezakeen irakasleren bat. Wikipediatik falta diren artikuluen zerrendak badaude ere ikasleek horietako bat aukera dezakete.
Carlos Santamaría liburutegian. Formakuntza hau Wikilari elkarteko kideek emango dute.
Hau Carlos Santamaría liburutegian egingo litzateke eta ikasleei sortu edo landu behar duten artikuluari buruzko erreferentzia bibliografikoak bilatzen erakutsiko zaie.
Lan hau liburutegian egingo da, diziplinen arabera txandak antolatuta.
Lan hau ikasleek beren kaxara garatu behar dute denbora jakin baten barruan.
Diziplina arteko edizio topaketa Liburutegian sortutako artikuluei azken moldaketa eta txukunketak egiteko Wikipediako lankide adituen laguntzarekin.
Irakasle bakoitzak egindako lanak Wikipedian bertan ebaluatuko ditu, behar diren moldaketak bertan eginez. Formatu aldetik, Wikilari batek ebaluatuko ditu lanak Wikipedian erabili ohi diren irizpideen arabera eta irakasleei bidaliko die txostena ebaluazioan kontuan har dezaten.
Ikasleek egindako artikuluekin liburu baten argitalpena egingo da.
Euskal Wikilarien Kultura Elkarteak tutoretza eta jarraipena egingo duen wikilari bat jarriko du. Ikasleekin zein irakasleekin hitz egiteko eta lan guztiak koordinatzeko. On-line laguntza emateaz gain, lanak, formatu aldetik, zuzendu eta egokituko ditu. Lanen ebaluazioa egingo du formatuaren egokitasunaren aldetik Wikipediako ohiko irizpideak jarraituta.