Rosemarie Trockel | |
---|---|
Bizitza | |
Jaiotza | Schwerte, 1952ko azaroaren 13a (71 urte) |
Herrialdea | ![]() |
Hezkuntza | |
Hizkuntzak | alemana |
Jarduerak | |
Jarduerak | margolaria, grabatzailea, unibertsitateko irakaslea, eskultorea, argazkilaria, marrazkilaria, installation artist (en) ![]() ![]() |
Parte-hartzailea
| |
Lantokia(k) | Kolonia |
Enplegatzailea(k) | Kunstakademie Düsseldorf (en) ![]() |
Jasotako sariak | ikusi
|
Kidetza | North Rhine-Westphalia Academy for Sciences and Arts (en) ![]() Berlingo Arteen Akademia Royal Academy of Arts Arteen eta Zientzien Ameriketako Estatu Batuetako Akademia documenta Q118313501 ![]() |
Mugimendua | Arte kontzeptuala |
![]() ![]() |
Rosemarie Trockel (Schwerte, Alemania, 1952ko azaroaren 13a) alemaniar artista eta irakaslea da. Figura garrantzitsua nazioarteko arte garaikidean.[1] Kolonian bizi eta lan egiten du, eta Düsseldorfeko Arte Ederren Akademiako irakaslea da. Bere obrek kulturak eta tradizioak adostutako kode, irudi, zeinu eta mezuen kontraesana eta urraketa erakusten dute. Ironiaz eta umorez aldarrikatzen du emakumeak gure gizartean duen eginkizuna.[2][3][4][5]
1970etik 1978ra, Trockelek antropologia, soziologia, teologia eta matematika ikasi zituen Kolonian (Alemania). Geroago, pintura ikasi zuen Kölner Werkschulen-en, Koloniako unibertsitate batean. 1971ra arte, arte bisualetan, arkitekturan eta diseinuan artistak sortu zituen.
1983an bakarka azaldu zen lehen aldiz, Bonnen eta Kolonian. Gai garaikideei heltzen die, batez ere emakumeari gure gizartean izendaturiko rolari.
Bere lanak sexualitatearen, kulturaren eta ekoizpen artistikoaren hainbat kontzepturi aurre egin zien. XX. mendeko laurogeiko hamarkadan, Ameriketako Estatu Batuetarako banakako erakusketa garrantzitsuak egin zituen, adibidez, New Yorkeko MoMAn.[6]
1992an, Madrilgo Sofía Erregina Museoak atzera begirako erakusketa bat eskaini zion. 1995ean, nazismoak hildako homosexualei eskainitako Frankfurteko Aingerua memoriala sortu zuen. Trockelek lehiaketa artistikoa irabazi zuen 1994an Frankfurten jarri zen estatuaren diseinua erabakitzeko. Bartzelonan, Antoni Estrany galeriako Fondo, figura eta euria erakusketan ikusi ahal izan zen bere lana 1996an.
MoMAn, bere Knitting Pictures (pintura josiak) erakutsi zuen. Artilezko piezak dira, makinaz eginak, eta ordenagailuz sortutako diseinuen barruan kokatzen dira, motibo geometrikoak eta logo ezagunak erreproduzitzen dituzte.[7] Bartzelonako Arte Garaikideko Museoaren bilduman, MACBAn badaude bere lanak.[8] 1995ean, Berlingo Arte Akademiako kide hautatu zuten.